ԵՐԵՎԱՆ, 25 Ապրիլ — Sputnik. «Ելքը » վստահ է` իրեն կհաջողվի Նիկոլ Փաշինյանին վարչապետի թեկնածու առաջադրելու համար 53 պատգամավորի ձայն գտնել։ Այս մասին Sputnik Արմենիային ասել է խմբակցության անդամ Էդմոն Մարուքյանը։
Նրա հաշվարկով` 9 ձայն կունենա «Ելքը», 31 ձայն կտա «Ծառուկյան» խմբակցությունը, այլ խմբակցություններից ևս 13 հոգի կքվեարկեն Փաշինյանի օգտին։
Իր վստահությունը Մարուքյանն այս կերպ մեկնաբանեց. «Հանրապետականները խելացի մարդիկ են, նրանք խելոք կընտրեն, որովհետև այս իրավիճակում այլ տարբերակ չունեն»։
Ինչ վերաբերում է «Ելքին», Մարուքյանը նշել է, իրենք պատրաստ են աշխատել Փաշինյանի հետ` ձևավորվող ժամանակավոր կառավարության ձևաչափում, թեև այս պահին Փաշինյանի հետ այդ հարցը չեն քննարկել։
