ԵՐԵՎԱՆ, 25 ապրիլի — Sputnik. Ոստիկանությունը հայտարարում է, որ փողոցները փակելու պատճառով շտապօգնության և հանրային սպասարկման այլ տրանսպորտային միջոցները չեն կարողանում տեղաշարժվել Երևան քաղաքի մի շարք փողոցներում: Այս մասին հայտարարում է ոստիկանության մամուլի ծառայությունը։
«Կոչ ենք անում հավաքի ընթացքում ինքնակառավարվել այնպես, որ չխոչընդոտվի պետական մարմինների հանրային ֆունկցիաների իրականացումը, ինչպես նաև ամբողջությամբ փակ փողոցները երթևեկելի դարձնելու ուղղությամբ ոստիկանության կողմից ձեռնարկվող միջոցառումները»,- նշված է հաղորդագրության մեջ:
Նշենք, որ Երևանում անցկացվող երթերի ու հանրահավաքների պատճառով Երևանում երթևեկությունը խաթարվել է։
