ԵՐԵՎԱՆ, 25 ապրիլի — Sputnik. ՀՀ վարչապետի ժամանակավոր պաշտոնակատար Կարեն Կարապետյանը չի հրաժարվել իր լիազորությունների իրականացումից։ Վարչապետի ժամանակավոր պաշտոնակատարի մամուլի քարտուղար Արամ Արարատյանը Sputnik Արմենիայի հետ զրույցում հերքեց հրաժարականի մասին լուրերը։
Համացանցում ու հանրության շրջանում, այդ թվում` սոցիալական կայքերում լայնորեն տարածվում են Կարեն Կարապետյանի հրաժարականի մասին լուրերը։
Այս մասին գրառում է արել նաև «Ելք» խմբակցության պատգամավոր Արարատ Միրզոյանը։
Ավելի ուշ այդ լուրը հերքող հաղորդագրություն հրապարակվեց նաև Կարեն Կարապետյանի ֆեյսբուքյան էջում։
Հիշեցնենք` Կարեն Կարապետյանն ու կառավարության բոլոր անդամները հրաժարական են ներկայացրել վարչապետ Սերժ Սարգսյանի հետ միաժամանակ` ապրիլի 23-ին, ինչից հետո Կարեն Կարապետյանը ստանձնել է ՀՀ վարչապետի ժամանակավոր պաշտոնակատարի պարտականությունները։
