ԵՐԵՎԱՆ, 26 ապրիլի — Sputnik. ԱՊՀ գիտնականները կարող են օգտվել գիտական ծրագրերի մասին տվյալների միասնական բազայից։ Նորամուծության և ձեռներեցության ազգային կենտրոնի տնօրեն Գևորգ Վարդանյանը Sputnik Արմենիայի թղթակցին հայտնեց, որ այժմ այդպիսի հարթակ են ստեղծում։
Կայքը յուրահատուկ «ծանոթությունների ակումբ» կդառնա ԱՊՀ գիտնականների համար։
«Հայ գիտնականներն ավելի լավ գիտեն, թե ԱՊՀ-ում իրենց գործընկերներից ով է նման հետազոտություններ անցկացնում և որտեղ կան գիտական ծրագրեր կամ մրցույթներ, որոնց կարող են մասնակցել», — ավելացրեց Վարդանյանը։
Միասնական հարթակի ստեղծմանը մասնակցում է Գիտատեխնիկական տեղեկատվության համակարգման հարցերով միջպետական խորհուրդը, որի կազմում ընդգրկված են Հայաստանը, Բելառուսը, Ռուսաստանը, Ղազախստանը, Ղրղըզստանը, Մոլդովան, Ռուսաստանը, Տաջիկստանը, Ուզբեկստանը և Ուկրաինան։
