Նիկոլ Փաշինյանը Կարեն Կարապետյանին հրավիրում է վաղը նստել բանակցությունների սեղանի շուրջ

© Sputnik / Asatur YesayantsЛидер оппозиционной фракции "Елк" Никол Пашинян во время митинга на площади Республики (25 апреля 2018). Ереван
Лидер оппозиционной фракции Елк Никол Пашинян во время митинга на площади Республики (25 апреля 2018). Ереван - Sputnik Արմենիա
Բաժանորդագրվեք
НовостиTelegram
«Կամ ես կընտրվեմ վարչապետ ժողովրդի միջոցով, ժողովրդի պահանջով, ժողովրդի աջակցությամբ, կամ էլ ՀՀ-ում ընդհանրապես վարչապետ չի ընտրվի»,– այսօրվա հանրահավաքի ժամանակ հայտարարեց Նիկոլ Փաշինյանը:

ԵՐԵՎԱՆ, 26 ապրիլի – Sputnik. «Իմ քայլը» նախաձեռնության առաջնորդ Նիկոլ Փաշինյանը Կարեն Կարապետյանին դարձյալ հրավիրեց բանակցությունների: Այս մասին նա հայտարարեց այսօր Հանրապետության հրապարակում կայացած հանրահավաքում: Բանակցային հանդիպումը նշանակված է ապրիլի 27-ին, ժամը 12:00, «Մարիոթ» հյուրանոցում:

День независимости отметили в Армении. Туристы - Sputnik Արմենիա
Զբոսաշրջիկները ակտիվորեն մասնակցում են բողոքի ակցիաներին, լուսանկարներ, տեսանյութեր անում

Փաշինյանի պարտադիր պայմանը լրագրողների ներկայությունն է հանդիպմանը: «Մենք ՀՀԿ-ի հետ փակ դռների հետևում չենք բանակցելու: Ժողովուրդը մեր ղեկավարն է, և պետք է հաշվետու լինենք նրան մեր ամեն քայլի համար»,- ասաց Փաշինյանը:

Նիկոլ Փաշինյանը հայտարարեց նաև, որ այս օրերին տարբեր քաղաքական ուժերի կողմից կան գործարքային առաջարկներ, բայց և վստահեցրեց, որ որևէ կուլիսային պայմանավորվածության չեն գնալու: «Մենք կոռումպացված ու հակաժողովրդական համակարգի հետ կոմպրոմիսների չենք գնալու: Խնդիրը ոչ թե իմ վարչապետ դառնալն է, այլ Հայաստանում հակաժողովրդական ու կոռումպացված համակարգի վերացումը»,- ասաց Փաշինյանը:

Խոսելով նոր ձևավորվող կառավարության մասին` «Իմ քայլը» նախաձեռնության ղեկավարն ասաց.  «Կամ ես կընտրվեմ վարչապետ ժողովրդի միջոցով, ժողովրդի պահանջով, ժողովրդի աջակցությամբ, կամ էլ ՀՀ-ում ընդհանրապես վարչապետ չի ընտրվի»:

Լրահոս
0