Իշխող կուսակցությունը ներկայացրել է ընդդիմության հետ բանակցությունների իր պայմանները

© Sputnik / Asatur YesayantsВице-спикер НС Армении Эдуард Шармазанов
Вице-спикер НС Армении Эдуард Шармазанов - Sputnik Արմենիա
Բաժանորդագրվեք
НовостиTelegram
Հայաստանի Հանրապետական կուսակցությունը լիազորել է վարչապետի պաշտոնակատար Կարեն Կարապետյանին բանակցություններ վարել ընդդիմության առաջնորդ Նիկոլ Փաշինյանի հետ։

ԵՐԵՎԱՆ, 26 ապրիլի — Sputnik. Հայաստանի Հանրապետական կուսակցությունը բաց է երկխոսության և ընդդիմության հետ առանց նախապայմանների բանակցությունների համար։ Այդ մասին Sputnik Արմենիային ասաց ՀՀԿ մամուլի քարտուղար և խորհրդարանի փոխխոսնակ Էդուարդ Շարմազանովը։

«Մենք պատրաստ ենք, բաց ենք առանց նախապայմանների բանակցությունների, երկխոսության համար։ Մեր առաջարկն ուժի մեջ է», – ասաց նա։

Протестующие перед Домом правительства на площади Республики (19 апреля 2018). Ереван - Sputnik Արմենիա
Ի՞նչ է սպառնում Երևանի դպրոցականներին. հեղափոխությունից բացի, սովորել է պետք

Սակայն ընդդիմությունը` ի դեմս Նիկոլ Փաշինյանի գլխավորած «Իմ քայլը» շարժման, նշում է, որ ՀՀԿ–ի հետ «առևտուր» չի անելու, և հանրապետականների հետ պատրաստ է քննարկել միայն իշխանությունից ՀՀԿ–ի լիակատար հեռացման հարցը։

Նշենք, որ վարչապետի պաշտոնից Սերժ Սարգսյանի հեռանալուց հետո քննարկվում է ՀՀԿ–ի նախագահի պաշտոնից նրա հրաժարականը։ Մի շարք ԶԼՄ–ների տեղեկատվությամբ` ՀՀԿ–ի առաջնորդի պաշտոնում Սարգսյանի իրավահաջորդը կլինի վարչապետի պաշտոնակատար Կարեն Կարապետյանը։ Շարմազանովը չցանկացավ մեկնաբանել այդ տեղեկատվությունը` հավելելով, որ առաջիկա օրերին կներկայացնի կուսակցության քննարկումների արդյունքները։

Այն հարցին, թե ՀՀԿ նոր նախագահը կընտրվի արդյո՞ք մինչև ապրիլի 30–ը, հաշվի առնելով, որ վարչապետի ընտրությունները տեղի են ունենալու մայիսի 1–ին, փոխխոսնակը նշեց. «Հենց որոշենք, միանգամից կհաղորդենք»։ Նա միաժամանակ տեղեկացրեց, որ կուսակցությունը լիազորել է Կարեն Կարապետյանին բանակցություններ վարել Նիկոլ Փաշինյանի հետ։

Ապրիլի 25–ի հանրահավաքի ժամանակ հայտարարվել է, որ «Իմ քայլը» վարչապետի պաշտոնում իր թեկնածու է հայտարարում շարժման առաջնորդ Նիկոլ Փաշինյանին։

Լրահոս
0