Մենք Ռուսաստանի թշնամին չենք և մեր երկրի թշնամին չենք, որ գնանք ոչ խելամիտ ճանապարհներով

© Sputnik / Asatur YesayantsЛидер оппозиционной фракции Никол Пашинян во время митинга на площади Республики (23 апреля 2018). Ереван
Лидер оппозиционной фракции Никол Пашинян во время митинга на площади Республики (23 апреля 2018). Ереван - Sputnik Արմենիա
Գյումրիում կայացած հանրահավաքին Նիկոլ Փաշինյանը երաշխավորեց` Հայաստանը հավատարիմ կմնա ստանձնած բոլոր միջազգային պարտավորություններին` ներառյալ ԵՄ–ի և ԵԱՏՄ–ի հետ կնքած համագործակցության փաստաթղթերին։

ԵՐԵՎԱՆ, 27 ապրիլի — Sputnik. Մեր` իշխանության գալուց հետո աշխարհաքաղաքական ռևերսներ չեն լինելու։ Այս մասին այսօր Գյումրիում կազմակերպված հանրահավաքում հայտարարեց «Իմ քայլը» նախաձեռնության առաջնորդ Նիկոլ Փաշինյանը` անդրադառնալով իրենց արտաքին քաղաքական դիրքորոշումներին վերաբերող հարցադրումներին։

Никол Пашинян на площади Вардананц (27 апреля 2018). Гюмри - Sputnik Արմենիա
Նիկոլ Փաշինյանը Գյումրի մտավ ֆայտոնով

«Ուզում են ներկայացնել, թե մենք տնտեսական, քաղաքական, աշխարհաքաղաքական պատերազմներ ենք մղելու Ռուսաստանի դեմ։ Ես նույնիսկ չեմ ուզում ասել, որ մենք ամենևին էլ Ռուսաստանի թշնամին չենք, դա ինքնին պարզ է։ Բայց մենք առավել ևս մեր սեփական երկրի թշնամին չենք, որ մեր երկիրը տանենք ոչ խելամիտ և արկածախնդիր ճանապարհներով»,–ասաց Փաշինյանը։

Նա նաև նշեց, որ երբեք չեն ասել ու չեն ասում, որ Հայաստանը պետք է դուրս գա ՀԱՊԿ –ից։ Փոխարենը Փաշինյանը երաշխավորեց, որ Հայաստանը կմնա ՀԱՊԿ անդամ, որովհետև դա բխում է ՀՀ անվտանգության և ազգային շահերից ։

«Բայց մենք կաշխատենք, որ այդ կազմակերպությունն ավելի արդյունավետ լինի և շատ ավելի լուրջ երաշխիքներ կապահովի ՀՀ–ի և ԼՂՀ–ի համար, քան ապահովում է մինչև հիմա»,– ասաց նա։

Пресс-конференция Никола Пашиняна (27 апреля 2018). Гостиница Marriott Armenia, Ереван - Sputnik Արմենիա
ՀՀԿ-ն Փաշինյանին հրավիրում է կլոր սեղանի շուրջ

Նիկոլ Փաշինյանը նաև հավաստիացրեց, որ Հայաստանը հավատարիմ կմնա ստանձնած բոլոր միջազգային պարտավորություններին` ներառյալ ԵՄ–ի և ԵԱՏՄ–ի հետ կնքած համագործակցության փաստաթղթերին։

«Սա չի նշանակում, թե երկու ուղղությամբ էլ ՀՀ համագործակցությունն անթերի է, այլ պիտի ձգտենք այդ հարաբերությունները դարձնել անթերի»,– ասաց Փաշինյանը։

Անդրադառնալով ներքին իրողություններին` Նիկոլ Փաշինյանը նշեց, որ ստեղծված իրավիճակի լուծման միակ ճանապարհն այն է, որ ԱԺ բոլոր խմբակցությունները համաձայնությամբ ՀՀ վարչապետի թեկնածու առաջադրեն ժողովրդի թեկնածուին և մայիսի 1-ին նրան ընտրեն ՀՀ վարչապետ։

«Մնացած բոլոր լուծումներն էլ ավելի են խորացնելու ճգնաժամը։ Եթե հիմա քաղաքացիական ակցիաներին մի քանի 100 հազար մարդ է մասնակցում, դրանից հետո հասնելու է միլիոնների»,– ասաց նա։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала