ԵՐԵՎԱՆ, 27 ապրիլի — Sputnik. Այս գիշեր ևս կատարած ծառայության ընթացքում Ճանապարհային ոստիկանությունը մայրաքաղաքում հայտնաբերել և հատուկ պահպանվող տարածք է տեղափոխել 14 տրանսպորտային միջոց։ Այս մասին հայտնում է Ոստիկանության մամուլի ծառայությունը։
Մեքենաների վարորդները երթևեկել են առանց հաշվառման համարանիշերի, ոչ սթափ վիճակում կամ առանց անհրաժեշտ փաստաթղթերի։
Բոլոր վարորդների նկատմամբ կազմվել է վարչական իրավախախտման վերաբերյալ արձանագրություն։ Միջոցառումները շարունակվում են։
Ոստիկանությունը կոչ է անում վարորդներին պահպանել երթևեկության կանոնները։
