ԵՐԵՎԱՆ, 27 ապրիլի — Sputnik. Յուրաքանչյուր մարդ սեփական կարծիքը հայտնելու իրավունք ունի, ասաց «Իմ քայլը» ընդդիմադիր շարժման առաջնորդ Նիկոլ Փաշինյանը` պատասխանելով Sputnik Արմենիայի հարցին` Facebook-ի հայկական տիրույթում ծավալված տեղեկատվական պատերազմի մասին։
«Կարծում եմ, որ չպետք է լինեն անհանդուրժողականության դրսևորումներ։ Հայաստանի մասին մեր պատկերացումն այնպիսին է, որ յուրաքանչյուր մարդ պետք է կարծիք հայտնի, կարողանա տարածել այն և տեղեկատվություն ստանալ»,- ասաց Փաշինյանը։
Նրա խոսքով` «Իմ քայլը» շարժման ներկայացուցիչները չպետք է չտրվեն «զգացմունքային պոռթկումներին»։
«Այս շարժումը հավասարակշռված է, սա հանդուրժողականության և սիրո շարժում է», — ասաց Փաշինյանը։
Վերջին օրերին սոցիալական ցանցերում իսկական մարտեր են ընթանում Փաշինյանի կողմնակիցների և հակառակորդների միջև։ Կեղծ էջերի և ոչ հավաստի տեղեկատվական ռեսուրսների ֆոնին քննադատության են ենթարկվում նաև այն ԶԼՄ-ները, որոնք արդեն երկար ժամանակ աշխատում են Հայաստանում։
Որոշ դեպքերում հետապնդում են առանձին մարդկանց, հնչում են Facebook-ում կոնկրետ մարդկանց էջերը փակելու կոչեր, որպեսզի նրանք չզբաղվեն «հակահեղափոխական քարոզչությամբ»։
