«Հիմա, երբ խոսքը խորհրդարանականների մեկ երրորդի առաջադրած թեկնածուի մասին է, Նիկոլ Փաշինյանը դառնում է այդ մեկ երրորդի կամ երեք խորհրդարանական խմբակցությունների թեկնածու, այսինքն` հստակեցվեց, թե ով է քաղաքական պատասխանատվություն կրելու ապագա վարչապետի ընտրվելու դեպքում»,- ասաց քաղտեխնոլոգը։
Ըստ նրա` առաջին ընտրության ժամանակ բավականին քողարկված այսպիսի միտք էր հնչում, որ քաղաքական պատասխանատվություն կրողն անհայտ է, այսինքն` Նիկոլ Փաշինյանը միայն աջակցողներ ուներ, իսկ նրանց հետ կոալիցիա չէր կազմել։
Այժմ հանրապետականներն իրենց հայտարարության մեջ առկա պահանջով ըստ էության փաստում են, որ Նիկոլ Փաշինյանը «Ծառուկյան» դաշինքի, ՀՅԴ-ի և «Ելքի» թեկածուն է։ Դրանով հանրապետականներն ակնարկում են, թե ով է այս պահի դրությամբ Փաշինյանի հենարանը և ով է պատասխանատու լինելու ապագայում այդ թեկնածուի համար։
