Արմեն Սարգսյանը խոսել է վարչապետի մասին՝ մի բան է նշել սխալները, այլ բան՝ լուծել դրանք

© Sputnik / Asatur YesayantsВстреча Президента РА Армена Саркисяна и лидера оппозиционной фракции "Елк" Никола Пашиняна на площади Республики (21 апреля 2018). Ереван
Встреча Президента РА Армена Саркисяна и лидера оппозиционной фракции Елк Никола Пашиняна на площади Республики (21 апреля 2018). Ереван - Sputnik Արմենիա
Բաժանորդագրվեք
ՀՀ նախագահը պատրաստ է իր խորհուրդներով օգնել Նիկոլ Փաշինյանին, եթե նա դառնա ՀՀ վարչապետ:

ԵՐԵՎԱՆ, 7 մայիսի — Sputnik. ՀՀ նախագահ Արմեն Սարգսյանը «Էխո Մոսկվի» ռադիոկայանին տված հարցազրույցում պատասխանելով հարցին, թե նա, որպես նախագահ, կկարողանա արդյոք աշխատել «Իմ քայլը» շարժման առաջնորդ, պատգամավոր Նիկոլ Փաշինյանի հետ, եթե նա ընտրվի վարչապետի պաշտոնում, հավաստիացրել է, որ ինքը պատրաստ է նրա հետ աշխատել։ Մանավանդ որ դրա փորձն ունի արդեն՝ նկատի ունենալով հրապարակում ընդդիմադիր շարժման առաջնորդի հետ իր հանդիպումը:

Президент Армении Армен Саркисян - Sputnik Արմենիա
«Մենք պարտավոր ենք շահած դուրս գալ» . նախագահ Սարգսյանը` վարչապետի ընտրության մասին

«Դե եթե ես կարողացել եմ աշխատել նրա հետ հրապարակում․․․Թերևս կկարողանամ, նաև կփորձեմ։ Նա երիտասարդ, իսկապես տաղանդավոր մարդ է։ Բայց դա մի որակ է։ Ինչպիսի վարչապետ կլինի՝ ցույց կտա ժամանակը»,- ասել է նախագահը։

Արմեն Սարգսյանը պատրաստակամություն է հայտնել, հաշվի առնելով իր կյանքի փորձը և սկզբունքները, ցանկության և անհրաժեշտության դեպքում նաև խորհուրդներ տալ վարչապետին, օգնել նրան:

Մայիսի 8-ին նախատեսված ընտրությունների և ՀՀ վարչապետի պաշտոնում Նիկոլ Փաշինյանի հավանական ընտրության մասին խոսելով՝ Արմեն Սարգսյանը նշել է, որ կանխատեսելը բարդ է, քանի որ ի վերջո ամեն ինչ Աստծո կամքով է։

Բայց նա վստահություն է հայտնել, որ մայիսի 8-ին ՀՀ խորհրդարանը նոր վարչապետ կընտրի, և Հայաստանը կունենա նոր կառավարություն։

«Նոր կառավարությունը առաջին իսկ պահից կբախվի իրական կյանքին։ Մի բան է մատնանշել սխալները, թերությունները, խնդիրները, մեկ այլ բան, երբ հնարավորություն են տալիս դրանք լուծել։ Միշտ ավելի հեշտ է մատնանշել, քան կառուցողական գործել»,- նշել է ՀՀ նախագահը։

Նրա կարծիքով՝ որքան մոտ են Փաշինյանն ու նրա համակիրները իշխանությանը, այնքան իրատեսական պետք է լինեն։

Արմեն Սարգսյանը նաև վստահեցրել է, որ Հայաստանում նոր կառավարության հաստատումից հայ-ռուսական հարաբերությունները չեն տուժի, գործընթացը որևէ ազդեցություն չի ունենա այդ հարաբերություննեի վրա, քանի որ Հայաստանն ու Ռուսաստանը շատ սերտ կապեր ունեն։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала