Փոխզիջման մասին կարելի է խոսել, եթե Բաքուն ճանաչի Արցախի ժողովրդի ինքնորոշման իրավունքը

© Sputnik / Aram NersesyanПресс-конференция премьер-министра Армении Никола Пашиняна в Арцахе (9 мая 2018). Степанакерт
Пресс-конференция премьер-министра Армении Никола Пашиняна в Арцахе (9 мая 2018). Степанакерт - Sputnik Արմենիա
Բաժանորդագրվեք
Yandex newsTelegram
Նիկոլ Փաշինյանը վստահեցնում է` Արցախի և Հայաստանի անվտանգության ապահովումը լինելու է ՀՀ նոր կառավարության ուշադրության կենտրոնում։

ԵՐԵՎԱՆ, 9 մայիսի — Sputnik. Ես կարծում եմ, որ և Ադրբեջանի և միջազգային հանրությունը պետք է շատ հստակ արձանագրեն, որ ՀՀ և ԱՀ Ադրբեջանի ռազմաշունչ հռետորիկայի առաջ չեն ընկրկի, առավել ևս հիմա, երբ մեր ժողովուրդ ու ազգը միասնական են` առավել քան երբևէ։ Այսօր Արցախում լրագրողների հետ հանդիպմանը հայտարարեց Հայաստանի վարչապետ Նիկոլ Փաշինյանը։

Премьер-министр Армении Никол Пашинян на параде Победы в Арцахе (9 мая 2018). Степанакерт - Sputnik Արմենիա
Նիկոլ Փաշինյանը կկարողանա փակել պետական ապարատի կոռուպցիոն ախորժակը

Արցախյան հակամարտության խնդրի խաղաղ կարգավորման միակ տարբերակը, նրա խոսքով, Արցախը բանակցային սեղանի շուրջ վերադարձնելն է։

«Եթե միջազգային հանրությունը, այդ թվում` Ադրբեջանը ուզում են լուծել ԼՂ խնդիրը, անտրամաբանական է, որ այդ հարցը քննարկվում է մի ֆորմատով, որով այն լուծվել չի կարող։ Սա էմոցիաների խնդիր չէ, սա պրագմատիկ խնդիր է,- ասաց Փաշինյանը,- Արցախի անունից կարող է խոսել միայն Արցախի հանրապետությունը։ ՀՀ-ն ևս բանակցային կողմ է և ներկայացնում է Հայաստանի դիրքորոշումը»։

Փաշինյանի համոզմամբ` քանի դեռ Ադրբեջանն օգտագործում է ռազմատենչ հռետորաբանություն և բարձրաձայնում է, թե Երևանը, Զանգեզուրը, Սևանը պետք է գրավել, փոխզիջումների մասին խոսելն անիմաստ է։

«Փոխզիջումների մասին կարելի է խոսել միայն այն պարագայում, երբ մենք Ադրբեջանից ստանանք շատ հստակ ուղերձ, որ Բաքուն պատրաստ է ճանաչել Արցախի ժողովրդի ինքնորոշման իրավունքը»,- ասաց Փաշինյանը։

ՀՀ վարչապետը համոզմունք հայտնեց, որ ստեղծված նոր քաղաքական իրավիճակում նոր թափ կտրվի նաև Արցախի անկախության միջազգային ճանաչմանը։ Իսկ Արցախի և Հայաստանի անվտանգության ապահովումը լինելու է ՀՀ նոր կառավարության ուշադրության կենտրոնում։

 

Լրահոս
0