Փորձագետը Փաշինյանին խորհուրդ է տալիս արմատական փոփոխություններ չանել

© Sputnik / Asatur YesayantsВстреча парламентской фракции РПА с кандидатом в Премьеры Николом Пашиняном (30 апреля 2018). Еревaн
Встреча парламентской фракции РПА с кандидатом в Премьеры Николом Пашиняном (30 апреля 2018). Еревaн - Sputnik Արմենիա
Առանձին պաշտոնյաներին իրենց պաշտոններում թողնելու դեպքում հնարավոր կլինի ապահովել նախարարների կաբինետի անխափան աշխատանքը մինչև ՀՀ ԱԺ արտահերթ ընտրություններ և մեղմացնել իշխանափոխության հնարավոր բացասական հետևանքները։

ԵՐԵՎԱՆ, 9 մայիսի — Sputnik. ՀՀ նոր կառավարության ձևավորման ժամանակ պետք է որոշ մարդկանց թողնել իրենց պաշտոններում, հատկապես առաջին էշելոնից` փոխվարչապետներ, որոշ նախարարներ և նրանց տեղակալներ, Sputnik Արմենիային ասաց քաղաքագետ Երվանդ Բոզոյանը։

Նա կարծում է, որ այդ դեպքում հնարավոր կլինի ապահովել նախարարների կաբինետի անխափան աշխատանքը մինչև ՀՀ ԱԺ արտահերթ ընտրություններ և մեղմացնել իշխանափոխության հնարավոր բացասական հետևանքները։

Пресс-конференция премьер-министра Армении Никола Пашиняна в Арцахе (9 мая 2018). Степанакерт - Sputnik Արմենիա
Նիկոլ Փաշինյանն իր որոշումը կհայտնի առաջիկա օրերին

Քաղաքագետն ընդգծում է` եթե գերատեսչությունների որոշ ղեկավարներ պահպանեն իրենց պաշտոնները, կնշանակի, որ երկրում քաղաքական փոփոխություններն իսկապես «թավշյա» բնույթ են կրում, և նոր իշխանությունը մտադիր չէ կոտրել պետական ապարատը և զանգվածային կադրային զտումներ իրականացնել։

Կառավարության որոշ պաշտոնյաներ արդեն հայտնել են, որ պատրաստ են աշխատել նախարարների նոր կաբինետի հետ։ Մասնավորապես, նման հայտարարություն է արել փոխարտգործնախարար Շավարշ Քոչարյանը։

Բոզոյանի խոսքով` փոխնախարարների մեծ մասը, այդ թվում նաև Շավարշ Քոչարյանը, կարող են մնալ իրենց պաշտոններում։

Քոչարյանը լավ մասնագետ է, հասարակության շրջանում հեղինակություն է վայելում, ժամանակին ընդդիմություն է եղել։ Փորձագետը համոզված է, որ նման կադրերից հրաժարվելը սխալ է. այդ մարդիկ կարող են ներկայացնել նոր Հայաստանը։

«Ընդհանրապես «թավշյա» հեղափոխությունը շատ արագ ու անսպասելի տեղի ունեցավ` ընդամենը մեկ ամսում, և հասկանալի է, որ հնարավոր չէր այդքան կարճ ժամանակահատվածում կադրեր նախապատրաստել։ Նոր իշխանության խնդիրը կադրային նախկին թիմից պրոֆեսիոնալ և չհեղինակազրկված մարդկանց գտնելն ու ընտրելն է», — կարծում է մեր զրուցակիցը։

Հիշեցնենք, որ ՀՀ ԱԺ-ն մայիսի 8-ին վարչապետ ընտրեց բողոքի շարժման առաջնորդ Նիկոլ Փաշինյանին։ Նոր վարչապետը բազմաթիվ անգամ հայտարարել էր, որ մտադիր չէ կադրային զտումներ իրականացնել և ձգտում է ազգային համաձայնության կառավարություն ստեղծել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала