ԵՐԵՎԱՆ, 10 մայիսի — Sputnik. Ոստիկանությունը տեղեկություն է ստացել, որ Երևանում տղամարդը կացնահարելով սպանել է եղբորը։
ՀՀ ոստիկանության տարածած հաղորդագրության համաձայն` մայիսի 9-ին, ժամը 19.40-ին, ոստիկանություն է ներկայացել 1966 թ. ծնված Արամ Ասոյանը և հայտնել, որ ՀԱ թաղամասում իր ներկայությամբ սպանություն է տեղի ունեցել:
Մեկնած օպերատիվ խումբը պարզել է, որ նույն օրը, ժամը 15.00-ին, Հաղթանակ թաղամասի Ամառանոցային 1-ին տարածքի տներից մեկի հողամասում, վիճաբանության ժամանակ, Ա. Ասոյանը կացնով հարվածել է եղբոր՝ 1956 թ. ծնված Աշոտ Ասոյանի մարմնի տարբեր մասերին, որը տեղում մահացել է:
Նշանակվել է դատաբժշկական փորձաքննություն:
Արամ Ասոյանը ձերբակալվել է:
Կատարվում է նախաքննություն:
