ԵՐԵՎԱՆ, 11 մայիսի — Sputnik. Նիկոլ Փաշինյանը կլքի Հայաստանի վարչապետի պաշտոնը, երբ ժողովուրդն այլևս չաջակցի իրեն։ Այդ մասին նա լրագրողներին ասաց կառավարության նիստից հետո։
11 մայիսի 2018, 14:14
Փաշինյանը խորհրդարանական մեծամասնություն չունի։ Ուստի ՀՀԿ-ն, որն ունի այդ մեծամասնությունը, տեսականորեն կարող է ձախողել նոր կառավարության ցանկացած օրինագիծ։
Մեկնաբանելով հարցը, թե կշարունակի արդյո՞ք նոր վարչապետը զանգվածային ցույցերը` որպես իշխող մեծամասնության վրա ազդեցության միջոց, Փաշինյանը պատասխանեց, որ իր համար գլխավոր գործոնը երկրի քաղաքացիների աջակցությունն է։
Նա հայտարարեց, որ կլքի պաշտոնը, երբ զգա, որ կորցրել է հայ ժողովրդի աջակցությունը։
