ԵՐԵՎԱՆ, 12 մայիսի — Sputnik. ԱՄՆ-ի գլխավորած միջազգային կոալիցիայի ինքնաթիռները հարվածներ են հասցրել Սիրիայի Էլ Խասակի գավառի հարավում գտնվող գյուղին, խաղաղ բնակիչներից 8-ը զոհվել են։ Այս մասին հայտնում է ՌԻԱ Նովոստին` հղում անելով Սիրիայի պետական հեռուստատեսությանը։
Հեռուստաալիքի տվյալներով` ավիահարվածների է ենթարկվել Աբու Համադի շրջանի Ալ Համիդ գյուղը։
SANA գործակալությունը մայիսի սկզբին հայտնել էր, որ կոալիցիան ավիահարվածներ է հասցրել նույն Էլ Խասակի գավառի Ալ Ֆադել բնակավայրին։ Այն ժամանակ զոհվել էին 25 մարդ։
ԱՄՆ-ի գլխավորած կոալիցիան պարբերաբար հարվածներ է հասցնում, որի հետևանքով խաղաղ բնակիչներ են զոհվում։ Ապրիլին կոալիցիան խոստովանել է, որ 2014 թվականից ի վեր այդ հարվածների պատճառով Սիրիայում և Իրաքում զոհվել են 883 խաղաղ բնակիչ։
