ԵՐԵՎԱՆ, 13 մայիսի — Sputnik. Հանրապետության շրջանների զգալի մասում մայիսի 13-16-ը ժամանակ առ ժամանակ անձրև կտեղա, որը կուղեկցվի ամպրոպով։ Այս մասին հայտնում է «Հիդրոմետ» ծառայությունը։
«Ամպրոպի ժամանակ քամու ուժգնությունը կարող է հասնել 15-20 մ/վ արագության»,- նշված է հաղորդագրության մեջ
Օդերևութաբանները կանխատեսում են, որ առանձին հատվածներում հնարավոր է նաև կարկուտ:
Օդի ջերմաստիճանը 3-4 աստիճանով կբարձրանա մայիսի 15-16-ը։
Երևանում նույնպես մայիսի 13-16-ը ժամանակ առ ժամանակ ամպրոպային անձրև կտեղա։ Ամպրոպի ժամանակ քամու ուժգնությունը կհասնի 15-20 մ/վ արագության: Անձրևները կդադարեն մայիսի 17-ին։
Այսօր` մայիսի 13-ին, մայրաքաղաքում օդի ջերմաստիճանը ցերեկային ժամերին կկազմի 21-23, գիշերային ժամերին` 10-12 աստիճան տաքություն։
