ԵՐԵՎԱՆ, 13 մայիսի — Sputnik. ՀՀ վարչապետ Նիկոլ Փաշինյանը «Զվարթնոց» օդանավակայանից ֆեյսբուքյան էջի միջոցով ուղիղ կապ էր հաստատել օգտատերերի հետ։
«Ժողովուրդ ջան, ես արդեն օդանավակայանում եմ, պատրաստվում եմ գնալ Սոչի, որտեղ վաղը կկայան ԵԱՏՄ բարձրագույն տնտեսական խորհրդի նիստը»,–քայլելով ասում էր Փաշինյանը։
Մտնելով ինքնաթիռ` նա շարունակում էր կապի մեջ մնալ։
«Ո՞րն է իմ տեղը»,–ինքնաթիռում հարցրեց նա անձնակազմի անդամին։ Վերջինը հուշեց, որ Փաշինյանն արդեն անցել է իր համար նախատեսված աթոռի կողոքով։
Նշենք, որ Նիկոլ Փաշինյանը ՀՀ ղեկավարի պաշտոնում առաջին անգամ է աշխատանքային այցով մեկնում արտասահման։
Հիշեցնենք, որ վաղը` մայիսի 14–ին ՌԴ Սոչի քաղաքում կկայանա Եվրասիական բարձրագույն տնտեսական խորհրդի նիստը։
Նիստին կմասնակցի նաև մայիսի 8–ին վարչապետ ընտրված Նիկոլ Փաշինյանը։ ՀՀ վարչապետը Սոչիում առանձնազրույց կունենա ՌԴ նախագահ Վլադիմիր Պուտինի և Մոլդովայի նախագահ Իգոր Դոդոնի հետ։
