ԵՐԵՎԱՆ, 13 մայիսի — Sputnik. Թբիլիսիում ցերեկը վերսկսվել են գիշերային ակումբներում թմրանյութեր վաճառողներին ձերբակալելու համար ոստիկանության գործողությունների դեմ բողոքի ակցիաները, հաղորդում է Sputnik Գրուզիան։
Զուգահեռաբար Ռուսթավելի պողոտայում հավաքվել են «Վրաստանի երիտասարդ ազգային դաշինքի» և «Վրաստանի ազգային միասնություն» նեոնացիստական խմբի ներկայացուցիչները։ Նրանք պաշտպանում են Ապրիլի 9-ի հուշահամալիրը, որը նրանց խոսքով նախօրեին պղծվել է ակցիայի մասնակիցների մեկի կողմից. նա պարել է հուշահամալիրում։«Մենք վաղուց էինք պահանջում Կվիրիկաշվիլու հրաժարականը, բայց նրա
նք այդ ժամանակ չեն միացել, որովհետև թմրանյութ վաճառելու կանաչ լույս են ունեցել, իսկ այսօր, երբ նրանք չունեն այդ կանաչ լույսը, և ակումբներից առգրավվել են միլիոնավոր դոլարների թմրանյութեր, զայրացել են», — ասել է Երիտասարդ ազգային դաշինքի նախագահ Գեորգի Գաբադավան «Իբերիա» հեռուստաընկերության եթերում։
Այսօրվա ակցիան սկսվել է միջադեպով։ Հակաակցիայի մասնակիցները բողոքի ակցիայի ծաղիկներով եկած մասնակիցներին թույլ չեն տվել մոտենալ Ապրիլի 9-ի հուշահամալիրին։ Իրավապահ մարմինները ստիպված են եղել միջանցք ստեղծել և այդպիսով թողնել նրանց հուշահամալիրի մոտ, որպեսզի կարողանան ծաղիկներ դնել այնտեղ։
Բողոքող ցուցարարների պահանջները նույնն են՝ Վրաստանի վարչապետ Գեորգի Կվիրիկաշվիլու և արտաքին գործերի նախարար Գեորգի Գախարիայի հրաժարականը, ինչպես նաև թմրանյութերի առք ու վաճառքի քաղաքականության մեջ բարեփոխումների անցկացումը։
«Մենք պահանջում ենք, որպեսզի վարչապետը խախտի լռությունը և հրապարակավ հայտարարություն ունի։ Հակառակ դեպքում վարչապետի հրաժարականի մասին մեր պահանջն օրինական է մնում։ Մենք չենք հասկանում՝ ընդհանրապես ունե՞նք վարչապետ, թե ոչ», — նշել է «Սպիտակ աղմուկ շարժման» առաջնորդ Բեկա Ցիկարիշվիլին։
Հիշեցնենք, որ բողոքի ակցիան, որը սկսվել է մայիսի 11-ի գիշերը, շարունակվել է շաբաթ օրը։ Ցուցարարները պահանջում են Վրաստանի վարչապետ Գեորգի
Կվիրիկաշվիլու և ներքին գործերի նախարար Գեորգի Գախարիայի հրաժարականը՝ Թբիլիսիի գիշերային ակումբներում հատուկ գործողությունների պատճառով։
