Նոր նախարարին վստահում են, հին կադրերին` ոչ. տաքսիստներին ընդունեց Աշոտ Հակոբյանը

© Sputnik / Nelli DanielyanМинистр транспорта, связи и информ.технологий Ашот Акопян принял индивидуальных водителей (16 мая 2018). Ереван
Министр транспорта, связи и информ.технологий Ашот Акопян принял индивидуальных водителей (16 мая 2018). Ереван - Sputnik Արմենիա
Տրանսպորտի, կապի և տեղեկատվական տեխնոլոգիաների նորանշանակ նախարարն ընդունել է Բաղրամյան փողոցը փակած տաքսիստներին։ Պատասխանը` մեկ շաբաթ անց։

ԵՐԵՎԱՆ, 16 մայիսի — Sputnik. Տրանսպորտի, կապի և տեղեկատվական տեխնոլոգիաների նորանշանակ նախարարը խոստանում է քննարկել անհատ տաքսիստների բարձրացրած խնդիրները։ Այս մասին նա այսօր հայտարարեց տաքսիստների հետ հանդիպմանը, նրանց հարցերը բանավոր կարգով լսելուց հետո։

«Մեզ ոչ մի բան չի խանգարում, գրեք, առաջարկեք, մենք նայենք ու միասին քննարկենք»,– ասաց նախարար Աշոտ Հակոբյանը։

Митинг таксистов на улице Бейрута (16 мая 2018). Еревaн - Sputnik Արմենիա
Տաքսիստները փակել են Բաղրամյան փողոցը. տեսանյութ

«Ավտովարորդների պաշտպանության լիգա» հասարակական կազմակերպության նախագահ Տիգրան Հովհաննիսյանը` ներկայացնելով վարորդների պահանջները նշեց` չեղարկել տաքսի վարելու համար նախատեսված լիցենզիաների ամսական 15 000 վճարներն ու դրանց վրա տարիների ընթացքում կուտակված տույժ- տուգանքները, հավասար պայմաններ ստեղծել տաքսի ծառայությունների ու անհատ տաքսիստների համար, այդ թվում` տաքսի վարելու իրավունք տալ աջ ղեկով ավտոմեքենաների տերերին, ինչպես դա արվում է տաքսի ծառայությունների դեպքում։ Երրորդ պահանջը` չեղյալ հայտարարել անհիմն ճանապարհային խախտումների և կարմիր գծերի համար կուտակված մեծ տուգանքները, և չորրորդ` ավտոապահովագրության հավասար պայմաններ ու հավասար վճարներ սահմանել մասնավոր ավտոմեքենաների ու տաքսի ավտոմեքենաների համար։ Ինչպես նշեց տաքսիստներից մեկը. «Իմ մասնավոր ավտոմեքենայի 3 ամսվա ԱՊՊԱ–ն 9000 դրամ է, տաքսու ԱՊՊԱ–ն` 3 ամիսը` 38 000 դրամ»։

Շուրջ 30 րոպե տևած հանդիպումից հետո ավտովարորդները խոստացան վաղն իսկ նախարարին ներկայացնել իրենց պահանջների գրավոր տարբերակը։ Նախարարն էլ խոստացավ 1 շաբաթվա ընթացքում ուսումնասիրել ու նորից հանդիպել վարորդների հետ։

Первый вице-премьер Армении Арарат Мирзоян на совещании нового правительства (13 мая 2018). Еревaн - Sputnik Արմենիա
ՀՀ առաջին փոխվարչապետը լսեց զինկոմիսարիատների աշխատակիցների բողոքներն ու պատասխանեց նրանց

Ի դեպ, արդեն նախարարությունից դուրս գալով, վարորդները հույս հայտնեցին, որ նոր նախարարը ականջալուր կլինի իրենց խնդիրներին, եթե միայն հին կադրերը չխանգարեն։

«Տեսաք` նախարարն ասաց` կփորձենք»,– լրագրողների հետ զրույցում ասաց բողոքի ակցիան կազմակերպած «Ավտովարորդների պաշտպանության լիգա» ՀԿ նախագահ Տիգրան Հովհաննիսյանը,–չի բացառվում, որ մեկ շաբաթ հետո մենք էլի փողոց դուրս գանք։ Կադրային փոփոխություններ արեք, պարոն Փաշինյան, հին կադրերը`օգնական, խորհրդական, տեղակալ` մենք ինչ գրում ենք, իրենք հավաքվում են, փսփսում են նախարարի ականջին ու ոչ մի բան չի փոխվում։ Վարորդները պահանջում են, որ կադրային փոփոխություններից զատ, նախարարությունում հասարակական խորհուրդ ստեղծվի, որի կազմում իրենք հնարավորություն կստանան իրենց խնդիրներն անձամբ նախարարի հայտնելու։

Հիշեցնենք` անհատ վարորդներն այսօր բողոքի ակցիա էին իրականացնում վարչապետի նստավայրի դիմաց, որի ընթացքում փակել էին Բաղրամյան փողոցը։

Նրանք ընդունելություն էին պահանջում վարչապետ Նիկոլ Փաշինյանի, ՀՀ Տրանսպորտի, կապի և ՏՏ նախարարի, Ոստիկանապետի և ՊԵԿ նախագահի հետ։

Որոշ ժամանակ անց Տրանսպորտի, կապի և ՏՏ նախարարը համաձայնել էր ընդունել բողոքի ակցիայի մասնակիցներին, ինչից հետո նրանք բացել էին փողոցի երթևեկությունն ու ավտոշարասյունով ուղևորվել Վազգեն Սարգսյան փողոց` նախարարության շենք։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала