Ոսկու հանքավայրի հետ կապ ունեցել է. Սարգսյանը չի հերքում

© Sputnik / Aram NersesyanПрезидент Армении Армен Саркисян встретился с протестующими против экплуатации Амулсарского золоторудного месторождения (23 мая 2018). Еревaн
Президент Армении Армен Саркисян встретился с протестующими против экплуатации Амулсарского золоторудного месторождения (23 мая 2018). Еревaн - Sputnik Արմենիա
ՀՀ նախագահն այսօր Ամուլսարի ոսկու հանքավայրի դեմ բողոքող ցուցարարների հետ հանդիպման ժամանակ ասաց, թե ինքն ինչ կապ ունի հանքի հետ։

ԵՐԵՎԱՆ, 23 մայիսի — Sputnik. ՀՀ նախագահ Արմեն Սարգսյանն Ամուլսարի հանքավայրի հետ առնչություն ունեցել է, բայց դա եղել է 5 տարի առաջ։ Այսօր ոսկու հանքավայրի դեմ բողոքող ցուցարարների հետ հանդիպման ժամանակ ասաց նախագահը։

Президент Армении Армен Саркисян танцует вместе с протестующими против экплуатации Амулсарского золоторудного месторождения (23 мая 2018). Еревaн - Sputnik Արմենիա
Արմեն Սարգսյանը քոչարի է պարել ցուցարարների հետ

««Լիդիանը» Կանադայում գրանցված ընկերություն է, որի բաժնետերերը միջազգային ինստիտուտներ են, ու, բնականաբար, դժվար չէ նրանց մասին տեղեկություններ գտնել համացանցում,- ասաց նախագահը,- 5 տարի առաջ ես եղել եմ անկախ տնօրենների խորհրդի անդամ, ընդամենը մի քանի ամիս»։

Սարգսյանը հիշեցրեց, որ այդ ժամանակահատվածում Ամուլսարի հանքի և կառավարության մեջ մեծ լարում կար, որը կարող էր հանգել մեծ դատական պրոցեսի։

«Լինելով տնօրենների խորհրդի անդամ` ինձ տրամադրել են բոլոր փաստաթղթերը, ես իմ կարծիքը հայտնել եմ տնօրենների խորհրդի նախագահին և տնօրեններին, մարդկանց, որոնք ինչ-որ կերպ ներգրավված էին, ու դրանից հետո հրաժարվել եմ իմ պաշտոնից»,- ասաց նա։

Իսկ թե ինչ կարծիք է հայտնել, Արմեն Սարգսյանը չբացահայտեց` նշելով, որ տնօրենների խորհրդի անդամ լինելով` գաղտնիքը չբացահայտելու մասին փաստաթուղթ է ստորագրել։

«Բայց որպես նախագահ և որպես քաղաքացի ես ձեզ հետ եմ, որովհետև չկա այնպիսի բան, որ ինձ համոզի, թե մենք կարող ենք ինչ-որ հաջողության հասնել մեր երկիրը փչացնելով»,- ասաց նա` վստահեցնելով, որ ո՛չ ինքը, ո՛չ էլ իր ընտանիքի անդամներից որևէ մեկը մեկ դրամի շահույթ անգամ Ամուլսարից չեն ստանում։

Իսկ փաստը, որ ինքը ժամանակին ինչ-որ մասնակցություն է ունեցել հանքշահագործող ընկերության գործունեությանը, Սարգսյանի խոսքով, պարտավորեցնող է, ու ստիպում է ավելի ուշադիր լինել հատկապես այս հանքի գործունեության նկատմամբ։

Նա ցուցարարներից վերցրեց Ամուլսարի հանքի վերաբերյալ նրանց բերած նամակը և խոստացավ ուսումնասիրել դրանում ներկայացված փաստերը։

Մինչ հրաժեշտ տալը, ինչպես արդեն հայտնել ենք, նախագահ Սարգսյանը ցուցարարների հետ քոչարի պարեց։

Մամուլում հրապարակված և բնապահպան ակտիվիստների տարածած տեղեկությունների համաձայն` Արմեն Սարգսյանը Ամուլսարի ոսկու հանքավայրի շահագործման ծրագիրն իրականացնող «Լիդիան Արմենիայի» խոշոր բաժնետերերից է:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала