Փաշինյանի դժվար ուղին. ինչպես հաղթահարել կոռուպցիան՝ չվնասելով տնտեսությանը

© Photo : official site of the Prime minister of RAНа встрече с руководящим составом Полиции премьер-министр Никол Пашинян представил нового главу (11 мая 2018). Еревaн
На встрече с руководящим составом Полиции премьер-министр Никол Пашинян представил нового главу (11 мая 2018). Еревaн - Sputnik Արմենիա
Որոշ վերլուծաբանները կարծում են, որ համատարած մաքրումը կարող են տնտեսության համար բացասական հետևանքներ ունենալ։

ԵՐԵՎԱՆ, 26 մայիսի – Sputnik. Տնտեսական ոլորտում կոռուպցիայի դեմ պայքարը պետք է թիրախային բնույթ կրի։ Այս մասին Sputnik Արմենիայի հետ զրույցում ասաց քաղաքագետ Երվանդ Բոզոյանը՝ անդրադառնալով ԱԱԾ-ի վերջին ձերբակալումներին։

Ավելի վաղ Հայաստանի ազգային անվտանգության ծառայությունը հայտնել էր, որ բեռների մաքսային ձևակերպման գործընթացում կոռուպցիոն սխեմաներ, միլիոնավոր դոլարներ չվճարված հարկերի մասին փաստեր է բացահայտել։

ԱԱԾ-ն բացահայտել է ՊԵԿ բարձրաստիճան պաշտոնյաների մասնակցությամբ հանցավոր կոռուպցիոն սխեման - Sputnik Արմենիա
ՊԵԿ–ի բարձրաստիճան պաշտոնյաների շուրջ սկանդալ է հասունանում. ԱԱԾ–ի տեսանյութը

Վերլուծաբանի խոսքով՝ քանի որ նոր իշխանությունները հայտարարել են, որ փաստացիորեն մաքրելու են Հայաստանը կոռուպցիայից, ապա այդ գործընթացը պետք է շարունակական բնույթ կրի։

«Եթե դա ցուցադրական բնույթ կրի, հասարակությունը շատ շուտ կհիասթափվի։ Կարծում եմ՝ պետք է լինեն նոր հետաքննություններ, տարբեր ոլորտներում բացահայտված գործեր։ Այդ առումով հասարակության պահանջները բավականին բարձր են», — ասաց Բոզոյանը։

Քաղաքագետը կարծում է, որ ստուգումներ կլինեն նաև «Ծառուկյան» դաշինքի գործարարների մոտ, որոնց ներկայացուցիչները ներառվել են «ազգային համերաշխության» կառավարությունում։

«Սակայն մեկ-երկու ամսից կոնֆիգուրացիան կարող է փոխվել։ Ակնհայտ է, որ հասարակությունը պահանջում է ստուգել ու բացահայտել կոռուպցիոն սխեմաները, որոնցում հայտնի մարդիկ են ներառված», — ասաց Բոզոյանը։

Նրա խոսքով՝ պետք է թիրախային քաղաքականություն վարել, քանի որ, եթե այդ գործընթացը զանգվածային լինի, ապա այն բացասական կանդրադառնա տնտեսության վրա․այդ մասին է վկայում Վրաստանի փորձը։

Рубен Варданян - Sputnik Արմենիա
Ռուբեն Վարդանյանը խոսեց Նիկոլ Փաշինյանին սատարելու և ԱԱԾ բացահայտումների մասին

Մեր զրուցակիցը նշեց, որ պետք է աշխատել այն մարդկանց ուղղությամբ, որոնք ձևավորել են առկա կոռուպցիան։

«Եթե նախկինում խաղի կանոններն արատավոր էին, շատերը ստիպված էին դրանցով աշխատել։ Չի կարելի այդ մարդկանց մեղադրել։ Պետք է զբաղվել այն մարդկանցով, որոնք հիմնել են այդ սխեման։ Մաքրումների զանգվածային լինելը կվնասի տնտեսությանը։ Սակայն, եթե չլուծվի այն մարդկանց հարցը, որոնց կաշառակերության մասին տարիներով լեգենդներ են շրջում, իշխանությունների իմիջը կտուժի», — ասաց Բոզոյանը։

Հիշեցնենք՝ նախորդ շաբաթվա վերջին ԶԼՄ-ների ղեկավարների հետ հանդիպման ժամանակ ԱԱԾ ղեկավար Արթուր Վանեցյանը հայտարարել էր, որ առաջիկայում բազում կոռուպցիոն սխեմաներ կբացահայտվեն։

Մի քանի օր անց ԱԱԾ-ն հայտնել է, որ հարկերից խուսափելու խոշոր հանցավոր սխեմա է բացահայտել․«Նորֆոլկ Քոնսալթինգ» ՍՊ ընկերությունը  հարկեր ու տուրքեր չէր վճարում և խուսափում էր խոշոր չափով այլ պարտադիր վճարումներից։ Ընկերության ստեղծմանն ու դրա գործունեության կազմակերպմանը մասնակցել են ՀՀ Պետեկամուտների կոմիտեի բարձրաստիճան պաշտոնյաներ, այդ կառույցի երկու փոխնախագահներն այս գործով որպես վկա են հանդես գալիս։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала