Հայաստան բերեցին կուբացի փեսային

© Sputnik / Asatur YesayantsАэропорт "Звартноц" после сообщения о бомбе
Аэропорт Звартноц после сообщения о бомбе - Sputnik Արմենիա
Բաժանորդագրվեք
НовостиTelegram
Կուբայի քաղաքացուն հայտնաբերել են Ռուսաստանի տարածքում։

ԵՐԵՎԱՆ, 2 հունիսի — Sputnik. Հունիսի 1-ին, ժամը 13.45-ին ոստիկանության Քրեական հետախուզության գլխավոր վարչության ծառայողները «Մոսկվա-Երևան» ինքնաթիռով Հայաստան են տեղափոխել Կուբայի Հանրապետության քաղաքացի, 1980 թվականին ծնված Յասսեռ Օ.-ին, որին 2017թ. մարտի 10-ից հետախուզում էին խարդախության մեղադրանքով: Այս մասին հայտնում է ոստիկանության մամուլի ծառայությունը։

Յասսեռ Օ-ն փոխանցվել է ոստիկանության Նոր Նորքի բաժնի ծառայողներին:

Ոստիկանությունն այլ մանրամասներ չի նշում, սակայն ամենայն հավանականությամբ այս դեպքը կապված է 2017 թվականի դեպքի հետ, երբ դեկտեմբերին Հայաստանում ձերբակալել էին Կուբայի երկու քաղաքացու։ Նրանք հայրենակիցներին խոստացել էին գումարի դիմաց տեղափոխել ԱՄՆ Հայաստանի տարածքով։

мигрантка из Кубы - Sputnik Արմենիա
ԱՄՆ–ի կեղծ միգրացիայի երեսը. Հայաստանում ձերբակալել են կուբացի խաբեբաներին

Երևանում գտնվող Կուբայի քաղաքացի Ռոդրիգես Գոմեսսը 2016 թվականին գրավոր հաղորդում էր ներկայացրել ՀՀ իրավապահ մարմիններին առ այն, որ իր ընտանիքի անդամների՝ ընդհանուր առմամբ 6 հոգու՝ ԱՄՆ-ում մշտական բնակության հարցը կազմակերպելու նպատակով իրենից վերցրել են առանձնապես խոշոր չափերի գումար, սակայն մեկնումը չեն կազմակերպել և ոչ էլ գումարն են վերադարձրել։

1962թ. ծնված կուբացի կինը մշտական բնակության նպատակով ԱՄՆ մեկնել ցանկացող իր համաերկրացիներին խաբեությամբ համոզել էր, թե կարող է կազմակերպել նրանց մեկնումը Հայաստանի տարածքով։ Ձեռք բերված պայմանավորվածության համաձայն՝ նրանց հայրենակիցները Հավանա-Մոսկվա-Երևան չվերթով ժամանել են Հայաստան, որտեղ նրանց դիմավորել են կուբացի կնոջ դուստրը և փեսան, ապահովել նրանց ժամանակավոր բնակավայրով՝ խոստանալով կարճ ժամանակահատվածում կազմակերպել նրանց՝ ԱՄՆ մեկնումը:

Անհրաժեշտ փաստաթղթերը ձևակերպելու պատրվակով ընտանիքից վերցրել էին առանձնապես խոշոր չափերի գումար՝ 36.300 ԱՄՆ դոլար և 2.000 եվրո, ինչը խաբեությամբ հափշտակվել է. ընտանիքը ԱՄՆ մեկնելու թույլտվություն չի ստացել և ոչ էլ գումարն է վերադարձվել։ Իրականացված օբյեկտիվ քննության արդյունքում պարզվել էր, որ նշված անձանց գործողություններից տուժել է կուբացի մեկ այլ ընտանիք ևս, որի մշտական բնակության նպատակով ԱՄՆ մեկնումը կազմակերպելու համար նույն մեխանիզմով հափշտակվել է 24.920 ԱՄՆ դոլար գումար:

Ձեռք բերված բավարար ապացույցների հիման վրա՝ 1962 թվականին ծնված կնոջը և վերջինիս դստերը մեղադրանք էր առաջադրվել՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով (երկու դրվագ), իսկ փեսայի նկատմամբ նույն մեղադրանքներով հայտարարվել էր հետախուզում։

Նախաքննության ընթացքում ՌԴ իրավապահ մարմիններից ստացվել էր տեղեկություն առ այն, որ հետախուզվող կուբացի տղամարդը հայտնաբերվել է Ռուսաստանի տարածքում։

Լրահոս
0