Ինչպես Աշոտը Ուրուգվայի մայրաքաղաքը գերեց համեղ շաուրմայով. պատմում է բլոգեր Լապշինը

© Photo : Alexander LapshinРесторан быстрого питания "Шаурма Ашота" в Уругвае
Ресторан быстрого питания Шаурма Ашота в Уругвае - Sputnik Արմենիա
Իսկ դուք Ուրուգվայում շաուրմա համտեսե՞լ եք։ Հայկական ռեստորանի հետ անսպասելի հանդիպումը հանկարծակիի է բերել հայտնի ճանապարհորդ Ալեքսանդր Լապշինին Մոնտևիդեոյում։

ԵՐԵՎԱՆ, 4 հունիսի — Sputnik. Հայտնի բլոգեր և ճանապարհորդ Ալեքսանդր Լապշինն այցելել է Ուրուգվայի մայրաքաղաքում հաստատված հայ ինժեների խորտկարանը։

Հայտնի ճանապարհորդն այցելել է Լատինական Ամերիկայի այս փոքրիկ պետությունը, որտեղ նախատեսում էր նյութ պատրասել հին երկաթուղային կայարանի մասին։ Սակայն հանգամանքների բերումով Լապշինը հայտնվել է հայկական խորտկարանում, որտեղ էլ նա անսպասելիորեն հանդիպել է Աշոտին։

Александр Лапшин - Sputnik Արմենիա
Լապշինը նախընտրում է հայկական խաղաղության երգը` ադրբեջանական ատելության դասի փոխարեն

Բլոգերի խոսքով` Աշոտը Ուրուգվայ է տեղափոխվել 17 տարի առաջ Հայաստանից։ Հայրենիքում նա ինժեներ էր։ Արագ սննդի և ուտեստների պատրաստման նկատմամբ ունեցած սերը դրդել են Աշոտին Մոնտևիդեոյում սեփական գործը բացել։ Այսօր հայի խորտկարանի պահանջարկին միայն նախանձել կարելի է։

«Խորտկարանը շատ մեծ պահանջարկ է վայելում, հազիվ նստելու տեղ գտանք, զրուցելու համար։ Եվ այդպես ողջ օրը` առավոտից մինչև երեկո։ Սա տեսնելով` հարցս արդեն անտեղին էր, թե ինչու չշարունակեց ինժեների կարիերան։ Սիրում է մարդը պատրաստել, ուզում էր սեփական գործը բացել, գրագետ բիզնես–պլան է կազմել և ահա արդյունքը», – գրում է Լապշինն իր բլոգում։

Աշոտը սրճարանը հայկական խորհրդանիշերով է զարդարել` ոչ միայն Հայաստանի, այլև Կիլիկիայի զինանշանով, Երևանի տեսարժան վայրերի լուսանկարներով և Հայաստանի հետ ասոցացվող մրգերով։

© Photo : Alexander LapshinՈւրուգվայի «Աշոտի շաուրմա» հայկական ռեստորանը
Интерьер ресторана быстрого питания Шаурма Ашота, Уругвай - Sputnik Արմենիա
Ուրուգվայի «Աշոտի շաուրմա» հայկական ռեստորանը

«Ուրուգվայի բնակիչների մեծ մասի համար պատից կախված այս լուսանկարները շատ բան չեն նշանակում։ Զինանշանը ևս ոչինչ չի հուշում, և թե ինչ է Կիլիկիան հայերի համար շատերը չգիտեն։ Սակայն տեղի հայերի համար այս տեղը պաշտամունքային է, ում պետք է` գիտի։ Իսկ ում ոչ` կճաշի իր համար և եթե ցանկանա կրկին կայցելի», – կատակում է բլոգերը։

Լապշինը խորհուրդ է տվել համտեսել նաև այդ ռեստորանում պատրաստվող փախլավան, ինչպես նաև այնտեղ մատուցվող սուրճը ֆանտաստիկ անվանել։ Պարզվում է, որ բլոգերի` Ադրբեջանի հետ կապված հայտնի դատավարության շնորհիվ, խորտկարանի տերերը ճանաչում էին ճանապարհորդին։ Աշոտի հետ արված համատեղ լուսանկարը ներկայացվում է ստորև։

© Photo : Alexander LapshinԼապշինը` Ուրուգվայում ապրող Աշոտի և տեղի ռադիոկայններից մեկի լրագրողի հետ
Хозяин кафе Ашот, журналист местного радио Диего и блоггер Александр Лапшин в ресторане быстрого питания Шаурма Ашота, Уругвай - Sputnik Արմենիա
Լապշինը` Ուրուգվայում ապրող Աշոտի և տեղի ռադիոկայններից մեկի լրագրողի հետ

2016 թվականի վերջին Լապշինը Մինսկում ձերբակալվել էր Ադրբեջանի հարցման համաձայն, որը նրան «սև ցուցակի» մեջ էր ընդգրկել առանց Բաքվի համաձայնության Արցախի Հանրապետություն այցելելու պատճառով: Բելառուսի գլխավոր դատախազությունը որոշում էր ընդունել Ադրբեջանի հարցումը բավարարելու և Լապշինին հանձնելու մասին:

Ավելի ուշ Ադրբեջանի նախագահը ներում էր շնորհել բլոգերին, և նա ազատ էր արձակվել, որից հետո բլոգերը պատմել էր, որ նրան ծեծի են ենթարկել, սակայն դա հանրությանը ներկայացվել է որպես ինքնասպանության փորձ, որպեսզի հետո այդ միջադեպն օգտագործվի որպես «ներման ձևական պատճառ»։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала