ԵՐԵՎԱՆ, 6 հունիսի — Sputnik. Թբիլիսիի մետրոպոլիտենի աշխատակիցները ներքին խորհրդատվությունների արդյունքում որոշում են ընդունել վերսկսել աշխատանքը, Վրաստանի մայրաքաղաքում գործադուլը շուտով կավարտվի։ Այդ մասին հաղորդում է Sputnik Գրուզիան։
Մեքենավարների խոսքով` աշխատավարձերը բարձրացնելու պատասխանատվությունն իր վրա վերցրել է Թբիլիսիի քաղաքապետ Կախա Կալաձեն։ Թեև այս փուլում հայտնի չէ, թե երբ կընդունվի այդ որոշումը։
Թբիլիսիի մետրոպոլիտենն արդեն երրորդ օրն է չի աշխատում մեքենավարների գործադուլի պատճառով, նրանք պահանջում են բարձրացնել իրենց աշխատավարձը։ Թբիլիսիի քաղաքապետ Կախա Կալաձեն ավելի վաղ դժգոհություն է հայտնել մեքենավարների այդ որոշման հետ կապված և հայտարարել, որ նրանք նորմալ աշխատավարձ են ստանում։
Ներկա պահին մեքենավարների ժամավճարը կազմում է 7 լարի (ավելի քան 2,8 դոլար), իսկ նրանք պահանջում են մինչև 10 լարի (ավելի քան 4 դոլար)։ Արհմիությունների տվյալներով` գործադուլին մասնակցում է շուրջ 500 մարդ, նրանցից 140–ը հացադուլ են հայտարարել։
