ԵՐԵՎԱՆ, 7 հունիսի — Sputnik. Հայաստանում աշխատավարձները կբարձրանան, քանի որ ոչ ոք չի խուսափեի հարկերից։ Այս մասին ԱԺ-ում ասաց ՀՀ վարչապետ Նիկոլ Փաշինյանը` ներկայացնելով կառավարության ծրագիրը։
Նրա խոսքով` բյուջեում պետք է հավաքվեն բոլոր հարկերը, իսկ ստվերային վճարները պետք է վերացվեն։ Կառավարությունն ամեն ինչ կանի դրա համար։
«Չպետք է խոսակցություններ լինեն այն մասին, որ որքան հարկերը ցածր են, այնքան ապրանքներն էժան են։ Հարկերը պետք է վճարեն բոլորը և միշտ», — ասաց վարչապետը։
Ըստ նրա` պետք է գնահատել ստվերային տնտեսությունը. նախկինում գնահատվել է 22%, միջազգային կազմակերպությունները գնահատում են 46%։
Այս տարվա բյուջեն արդեն փոխել չի կարելի, սակայն հաջորդ տարվա համար նման հնարավորությունը կքննարկվի։ Ընդ որում` հնարավորության դեպքում նման լուծումներ կգտնենք նաև այս տարի, ավելացրեց նա։
