ԵՐԵՎԱՆ, 17 հունիսի — Sputnik. «Բնապահպանական ճակատը» ֆեյսբուքյան իր էջում նկարներ է հրապարակել Նորովանքի կամրջի մոտից։ Նկարներում «Արփա» գետը կարծես երկու կեսի բաժանված լինի` մի հունով ջուր է հոսում, մյուսով` արնանման մի հեղուկ։ Ըստ այս օրերին Նորավանքում եղած օգտատերերի տեղեկության` ժայռից մի հատված փլուզվել, լցվել է գետը, ինչից էլ գետը ներկվել է կարմիր գույնով։
Օգտատերերը իրենց մտահոգությունն են հայտնում բնապահպանական այս խնդրի վերաբերյալ և բարձրաձայնում` եթե մի ժայռի փլուզումից այսպես պղտորվել է գետը, ապա Ամուլսարի պայթեցումներից ինչ հետևանքներ կծնվեն։
