Բարի գալուստ Կանադա. Եվգենյա Մեդվեդևա–Բաբասյանը սկսում է աշխատել նոր մարզչի հետ

© Sputnik / Александр Вильф / Անցնել ֆոտոբանկЕвгения Медведева
Евгения Медведева - Sputnik Արմենիա
Ամերիկացի գեղասահորդ Ջեյսոն Բրաունը ողջունել է տաղանդավոր մարզիկ Եվգենյա Մեդվեդևային Տորոնտոյում։

ԵՐԵՎԱՆ, 17 հունիսի –Sputnik.  Օլիմպիական խաղերի կրկնակի արծաթե մեդալակիր, գեղասահքի աշխարհի կրկնակի չեմպիոն Եվգենյա Մեդվեդևա-Բաբասյանը ժամանել է Տորոնտո` աշխատելու նոր մարզիչ Բրայան Օրսերի հետ։ Այս մասին Twitter-ի իր էջում հայտնել է ամերիկացի գեղասահորդ Ջեյսոն Բրաունը։

«Տորոնտոն հիանալի էր նաև մինչ այս, սակայն այժմ ավելի լավն է դարձել։ Բարի գալուստ Կանադա, Եվգենյա Մեդվեդևա», – գրել է  մարզիկը։

Բացի այդ, գեղասահորդը Մեդվեդևայի հետ համատեղ լուսանկար է հրապարակել սոցցանցում։

Ավելի վաղ հայտնի էր դարձել, որ 2018 թվականին Փհենչհանի օլիմպիական խաղերի արծաթե մեդալակիր Եվգենյա Մեդվեդևան (Բաբասյան) լքում է մարզիչ Էթերի Տուտբերիձեին։ Գեղասահորդուհին հաստատել է այդ տեղեկությունը` պատմելով, որ մարզվելու է կանադացի գեղասահորդ և մարզիչ Բրայան Օրսերի մոտ։

Էթերի Տուտբերիձեի հետ նա աշխատել է 11 տարի։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала