Կոռուպցիոն հանցագործությունների բացահայտումներ. պայքա՞ր, թե՞ շոու

© Sputnik / Aram NersesyanПолиция Армении проводит обыск в офисе "Еркрапа" (20 июня 2018). Еревaн
Полиция Армении проводит обыск в офисе Еркрапа (20 июня 2018). Еревaн - Sputnik Արմենիա
Բաժանորդագրվեք
Yandex newsTelegram
Հասարակությունն էյֆորիկ վիճակում է և չի կարող օբյեկտիվ գնահատել Հայաստանում կոռուպցիայի դեմ պայքարի գործընթացը, համոզված է քաղաքագետ Երվանդ Բոզոյանը։

ԵՐԵՎԱՆ, 26 հունիսի — Sputnik. Հայաստանում տեղի ունեցած կոռուպցիոն բացահայտումները իրենց մեջ շոուի տարր են պարունակում, և տպավորություն է ստեղծվում, թե թիրախ են դառնում կոնկրետ այն մարդիկ, որոնց անունները վերջին 15-20 տարիների ընթացքում շատ էին լսում մարդիկ, Sputnik Արմենիա ռադիոկայանի եթերում ասաց քաղաքագետ Երվանդ Բոզոյանը։

Ерванд Бозоян - Sputnik Արմենիա
ՌԱԴԻՈ
Բոզոյան. «Փաշինյանը երբեք այդ քայլին չի գնա»

Քաղաքագետի կարծիքով` Հայաստանի նոր իշխանությունները մի կողմից ուզում են բարձրացնել իրենց վարկանիշը երկրում սպասվող արտահերթ ընտրություններին ընդառաջ, մյուս կողմից` փորձում են կատարել հանրապետությունում կոռուպցիայի դեմ պայքարելու իրենց խոստումը։

«Սա միաժամանակ և՛ պայքար է, և՛ շոու։ Որքանով է այն արդյունավետ` դժվար է ասել, քանի որ չգիտենք, թե արդյոք նրանք հետագա պայքարի ճանապարհային քարտեզ ունեն», – ասաց Բոզոյանը։

Քաղաքագետը կարծում է, որ հիմա հասարակությունը էյֆորիկ վիճակում է և չի կարող օբյեկտիվ գնահատական տալ երկրում տեղի ունեցող գործընթացներին։ Չէ՞ որ այդ պայքարը կարող է մակերեսային բնույթ կրել, սակայն կարող է նաև խորքային լինել։ Հանրությունը ցնցված է այն մարդկանց ձերբակալություններով, որոնք նախկինում «անձեռնմխելի» էին համարվում։

«Մարդիկ դեռ պատկերացում չունեն այն մասին, թե ի վերջո այս շղթան ո՞ւր է բերելու, ինչպիսի՞ն է այս գործընթացի տրամաբանությունը, ի՞նչ կշահի դրանից հասարակությունը, արդյո՞ք սա շոու է, թե՞ ոչ, և ե՞րբ է սկսելու զարգանալ տնտեսությունը, որպեսզի քաղաքացիների սոցիալական վիճակը սկսի բարելավվել», – ասաց Բոզոյանը։

Քաղաքագետը հիշեցրեց, որ  ԽՍՀՄ փլուզումից և անկախության հռչակումից հետո  25-26  տարիների ընթացքում Հայաստանում համակարգը, մեծ հաշվով, չի փոխվել։

«Ճիշտ է՝ 1998 թվականին իշխանափոխություն եղավ, սակայն այն տեղի ունեցավ վերևից», – նշեց Բոզոյանը։

Мнистерство обороны Армении представило образцы формы и продовольствия в парке Победы (16 июня 2018). Еревaн - Sputnik Արմենիա
ՊՆ–ի ապրանքների մրցույթում հաղթել է 29 մլն դրամով թանկ առաջարկ ներկայացրած ընկերությունը

Նրա կարծիքով` իրական ժողովրդավարական ընտրություններ հանրապետությունում տեղի ունեցան միայն 1991 և 1999 թվականներին։ Դրանից հետո իշխանությունը, ըստ էության, նույնն է մնացել։ Բնականաբար, աստիճանաբար այն ճահճանում էր, դառնում կոռումպացված և ոչ դինամիկ։ Հասարակությունը նման իշխանության է սովորել, այդ պատճառով էլ այսօր, տեսնելով այս փոփոխությունները, քաղաքացիները շոկ են ապրում։

Քաղաքագետը հույս ունի, որ ժամանակի ընթացքում հասարակությունը կսկսի ավելի սթափ գնահատել իրավիճակը և կառավարության առաջ ռացիոնալ խնդիրներ դնել՝ կապված տնտեսական զարգացման, սոցիալական խնդիրների լուծման, բիզնես միջավայրի առողջացման և հանրապետություն օտարերկրյա ներդրումներ գրավելու հետ։

Լրահոս
0