Նա արժանի է այդ շքանշանին. NASA–ն կպարգևատրի հայտնի աստղագետ Երվանդ Թերզյանին

Բաժանորդագրվեք
Ամերիկահայ աստղագետ Երվանդ Թերզյանն իր կյանքը նվիրել է գիտական հետազոտություններին և կրթությանը։

ԵՐԵՎԱՆ, 2 հուլիսի — Sputnik. Պրոֆեսոր Երվանդ Թերզյանը կարժանանա ԱՄՆ-ի օդագնացության և տիեզերքի ուսումնասիրության հարցերով ազգային վարչության (NASA) բարձրագույն պարգևին, հաղորդում է carlsaganinstitute.org-ը։

Астрофизический полигон ИГУ в Тункинской Долине - Sputnik Արմենիա
Հայ աստղաֆիզիկոսի փայլուն նախագիծը Հարավային Ամերիկայում, կամ այստեղ նույնպես հնարավոր է

Հայտնի աստղագետին «Նշանակալի հասարակական գործունեության համար» շքանշանը կհանձնի NASA-ի ղեկավար Ջիմ Բրիդենստայնը։

«Դոկտոր Երվանդ Թերզյանն իր կյանքը նվիրել է կրթությանը, հասարակական գործունեությանը և գիտական հետազոտություններին։ Նա օգտագործել է իր խանդավառությունը տիեզերական հետազոտությունների և կրթության ոլորտում, որպեսզի իր փորձը փոխանցի ուսանողներին և լայն հասարակայնությանը», — նշված է NASA-ի հաղորդագրությունում։

Կազմակերպության կարծիքով` Թերզյանի ձեռքբերումները վկայում են, որ նա արժանի է բարձրագույն պարգևի։

«Դոկտոր Թերզյանն իր կարիերայի ընթացքում անխոնջ դեսպան է եղել գիտական ոլորտում, նա ազդեցություն է ունեցել մագիստրանտների, ասպիրանտների, գործընկերների և լայն հասարակության վրա։ Դա արժանի պարգև է», — նշում է աստղագիտության պրոֆեսոր Թերի Հերտերը։

Թերզյանը ծնվել է 1939թ-ին Եգիպտոսում։ Աստղագետի հայրը հայ է, մայրը` հույն։ Ավարտելով հայկական դպրոցը, այնուհետև Կահիրեի Ամերիկյան համալսարանը` 1960թ-ին նա տեղափոխվել է ԱՄՆ, որտեղ շարունակել է ուսումը։

Թերզյանն աշխատել է NASA-ի ութ հանձնաժողովներում, ԱՄՆ-ի քոլեջներում դասավանդել աստղագիտություն։ Նա հայտնի է միջգալակտիկական տարածությունների և դրանցում անտեսանելի նյութ հայտնաբերելու հետազոտություններով։ Անցած տարի Թերզյանն արժանացել է NASA-ի շքանշանի «Կյանքի ընթացքում ունեցած ձեռքբերումների համար» և Հայաստանի բարձրագույն ոսկե մեդալի` գիտական ձեռքբերումների համար։


 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала