Ծննդաբերել, հետո աշխատել. ինչպե՞ս է պետությունն օգնելու հայ մայրերին

© Sputnik / Aram NersesyanДети Карабаха
Дети Карабаха - Sputnik Արմենիա
Պետությունը պատրաստ է ամեն ամիս մանկապարտեզի կամ դայակի վճարի կեսի չափով գումար տրամադրել մայրերին։

ԵՐԵՎԱՆ, 3 հուլիսի — Sputnik. Մայրերին աջակցող և երկար սպասված օրենքը հուլիսի 7-ին ուժի մեջ կմտնի։ ՀՀ աշխատանքի և սոցիալական հարցերի նախարարության աշխատակազմի աշխատանքի և զբաղվածության վարչության զբաղվածության բաժնի պետ Ռուզաննա Պեպանյանը Sputnik Արմենիայի հետ զրույցում ասել է` ինչպես են Հայաստանում օգնելու ծնողներին։

«Ծրագիրը նախատեսված է երկու տարեկանը չլրացած բոլոր երեխաների համար։ Նպատակն է աջակցել մայրերին, որոնք ուզում են շուտ վերադառնալ աշխատանքի», — Sputnik Արմենիայի թղթակցին ասաց Պեպանյանը։

Նրա խոսքով` երեխայի ծնողը, որը գտնվում է երեխայի խնամքի արձակուրդում, դայակի կամ վճարովի խնամք իրականացնող կազմակերպությունների հետ կնքում է պայմանագիր, որով սահմանված վարձավաճարի 50 տոկոսի չափով պետությունն աջակցություն է տալիս։ Օրինակ` եթե մանկապարտեզը կամ դայակի ծառայության վճար է 80 հազար դրամ է, պետությունն աջակցում է այդ գումարի կեսի չափով, այսինքն` 40 հազարը։

Пожилые люди тоже наслаждаются выходными, греются под ярким осенним солнцем - Sputnik Արմենիա
Աշխատանք մեծահասակների համար կամ ի՞նչ անել 50-ից հետո

Այդ գումարը չպետք է գերազանցի նվազագույն աշխատավարձի չափը, որը տվյալ պահին 55 հազար դրամ է կազմում։

Ծրագիրը նախատեսված է յուրաքանչյուր երեխայի համար` մեկ տարվա ընթացքում ոչ ավելի, քան 11 ամիս։

Ծրագրից կարող են օգտվել նաև այն մայրերը, որոնք մինչև երկու տարեկան երկու երեխա ունեն։

Ծրագրից օգտվելու համար ծնողը պետք է դիմի իր բնակության վայրը սպասարկող զբաղվածության տարածքային կենտրոն և հաշվառվի այնտեղ։

Պեպանյանը նշեց, որ 2018 թվականին ծրագիրը կօգնի 200 շահառուի։

«Ներկայացված հայտերի քանակն արդեն գերազանցում է նախատեսված լիմիտը։ Կարծում եմ` հետագայում կարելի է մեծացնել այդ թիվը», — ասաց մասնագետը;

Նա ավելացրեց նաև, որ առաջնահերթությունը տրվելու է այն ծնողներին, որոնց աշխատավարձը չի գերազանցում 195 հազար դրամը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала