ԵՐԵՎԱՆ, 5 հուլիսի — Sputnik. Հուլիսի 5-ին Մանբիջում (Սիրիա) հզոր պայթյուն է տեղի ունեցել հակաթուրքական ցույցի ժամանակ, հայտնում է Sputnik Türkiye-ն` հղում անելով իր աղբյուրներին։
Տեղեկատվության համաձայն` ականի պայթյունի հետևանքով El Heye շրջանում մարդիկ են վիրավորվել։
Տուժածներին քաղաքի և մերձակա բնակավայրերի հիվանդանոցներ են տեղափոխել։ Քաղաքի մուտքի ու ելքի հսկողությունը խստացվել է։
Հիշեցնենք, որ թուրք զինվորականները հունիսին Մանբիջում սկսել են գործողություններ իրականացնել Անկարայի և Վաշինգտոնի հետ համաձայնեցված ճանապարհային քարտեզի շրջանակում։
Թուրքիայի ռազմական գործողություններից առաջ Սիրիայի հյուսիսում գտնվող Մանբիջ քաղաքը վերահսկում էին քրդական զորամիավորումները։ Անկարան կարծում էր, որ այդ ջոկատներն առնչություն ունեն ահաբեկչական կազմակերպությունների հետ։
