ԵՐԵՎԱՆ, 11 հուլիսի — Sputnik. Երևանի Վ. Բրյուսովի անվան պետական լեզվահասարակագիտական համալսարանի հեռակա ուսուցման համակարգում նոր ուսումնական տարվանից վարձավճարները կթանկանան։ Այս մասին գրում է «Հայկական ժամանակ» օրաթերթը։
«Դրանք 300 հազարից կհասցվեն 330 հազարի` անկախ մասնագիտություններից»,- գրված է հոդվածում։
Թերթը նշում է, որ ուսման վարձի թանկացման պատճառներից մեկն էլ այն է, որ այս տարի դիմորդների թիվն էապես նվազել է։
