ԵՐԵՎԱՆ, 23 հուլիսի — Sputnik. Լոռու մարզում այսօր առավոտյան բեռնատար ավտոմեքենա է շրջվել։ Այս մասին հայտնում է shamshyan.com կայքը` նշելով, որ վթարված ավտոմեքենան վերածվել է մետաղի ջարդոնի։
Դեպքը տեղի է ունեցել 10։00-ի սահմաններում, Երևան-Վանաձոր ավտոճանապարհի Սպիտակի ոլորաններից դեպի Ջրաշեն գյուղ տանող ճանապարհահատվածում։
Ասֆալտով բեռնված ավտոմեքենան դուրս է եկել ճանապարհի երթևեկելի գոտուց և կողաշրջվելով հայտնվել դաշտում։
Վթարված ավտոմեքենայի վարորդին քաղաքացիները դուրս են բերել ավտոմեքենայից։ Դեպքի վայր ժամանած շտապօգնության անձնակազմը նրան առաջին բուժօգնություն ցույց տալուց հետո տեղափոխել է Սպիտակի բժշկական կենտրոն։