«Հիմնադիր խորհրդարանը» նոր ստեղծվող կուսակցության համար անդամներ է հավաքում

© Sputnik / Asatur YesayantsМитинг оппозиционного фронта «Новая Армения» проходит в Ереване. Жирайр Сефилян
Митинг оппозиционного фронта «Новая Армения» проходит в Ереване. Жирайр Сефилян - Sputnik Արմենիա
Բաժանորդագրվեք
НовостиTelegram
Նոր կուսակցությամբ նրանք մտադիր են մասնակցել սպասվող խորհրդարանական ընտրություններին։

ԵՐԵՎԱՆ, 24 հուլիսի — Sputnik. «Հիմնադիր խորհրդարանի» անդամներ, ՊՊԾ գնդի վրա զինված հարձակում գործած «Սասնա ծռեր» խմբավորման պարագլուխներ, ազատամարտիկ Ժիրայր Սեֆիլյանը և Վարուժան Ավետիսյանը ֆեյսբուքյան իրենց պաշտոնական էջի միջոցով տեղեկացրել են, որ նոր կուսակցություն են ստեղծում` առաջիկա խորհրդարանական ընտրություններին մասնակցելու համար։

Акция протеста в поддержку задержанного депутата Манвела Григоряна (17 июня 2018). Ереван - Sputnik Արմենիա
«Կանգնած ենք գեներալի համար, «Սասնա ծռերի» համար ևս կանգնած էինք». Գրիգորյանի համախոհներ

«Երկրի քաղաքական կյանքում արդյունավետ գործոն լինելու և Ազգային ժողովի առաջիկա արտահերթ ընտրություններին մասնակցելու նպատակով «Հիմնադիր խորհրդարան» կազմակերպությունը և «Սասնա ծռեր» խմբավորման անդամները նախաձեռնելու են կուսակցության ստեղծման գործընթաց»,–գրել են նրանք։

Երիտասարդներին հղած իրենց կոչում նրանք ընդգծել են, որ հիմա բախտորոշ ու երջանիկ ժամանակներ են, և առաջարկում են փոփոխությունների գնալու համար լրացնել հայտն ու դառնալ իրենց աջակիցը։

Հիշեցնենք` 2016թ-ի հուլիսի 17-ին վաղ առավոտյան «Սասնա ծռեր» խմբի անդամները բեռնատար ավտոմեքենայով ջարդել էին ոստիկանական ՊՊԾ գնդի մուտքի դարպասները, ներս մտել գնդի տարածք ու գրավել այն։ Խումբը պահանջում էր Սերժ Սարգսյանի հրաժարականն ու քաղբանտարկյալների ազատ արձակումը։

14 օր տևած պաշարումից և մարդկային մի քանի կորուստներից հետո խմբի անդամները վայր դրեցին զենքն ու հանձնվեցին իրավապահներին։ Այդ դեպքերի ժամանակ զոհվել են ոստիկանության գնդապետ Արթուր Վանոյանը, ավագ ենթասպա Գագիկ Մկրտչյանը և լեյտենանտ Յուրի Տեփանոսյանը։

Ոստիկանների սպանության համար մեղադրանք է առաջադրվել խմբի անդամներից Արմեն Բիլյանին ու Սմբատ Բարսեղյանին։

Լրահոս
0