ԵՐԵՎԱՆ, 27 հուլիսի — Sputnik. Երևան — Մեղրի ավտոճանապարհիՆ տեղի ունեցած ավտովթարի հետևանքով երիտասարդ վարորդը տեղում մահացել է։
Ինչպես տեղեկացնում է Shamshyan.com–ը, հուլիսի 27-ին, ժամը 17։30-ի սահմաններում Մեղրի քաղաքի բնակիչ 26-ամյա Արայիկ Միրզոյանը իր վարած Mercedes մակնիշի 17 CG 177 համարանիշի ավտոմեքենայով Երևան — Մեղրի ավտոճանապարհի 378 կմ հատվածում բախվել է կամրջի բետոնե արգելապատնեշին և շրջվելով հայտնվել ճանապարհի մեջտեղում, մասամբ փակելով երթևեկելի գոտին։
Վթարի հետևանքով վարորդ Ա․Միրզոյանը տեղում մահացել է։ Նրա դին ավտոմեքենայից դուրս են բերել Արտակարգ իրավիճակների նախարարության փրկարար ծառայության Մեղրիի հրշեջ-փրկարարները, օգտագործելով հատուկ տեխնիկա։ Փաստի առթիվ հարուցվել է քրեական գործ ՀՀ ՔրՕրի 242 հոդվածի 2-րդ մասի հատկանիշներով։
