Մարտահրավեր բոլորին ու իրեն․ Եվգենյա Մեդվեդևա–Բաբասյանը լուրջ փոփոխությունների է գնացել

© Sputnik / Asatur YesayantsЕвгения Медведева
Евгения Медведева - Sputnik Արմենիա
Բաժանորդագրվեք
НовостиTelegram
Գեղասահորդուհին համարձակվել է լուրջ փոփոխությունների գնալ ինչպես կերպարի, այնպես էլ երաժշտության ընտրության հարցում՝ մարտահրավեր նետելով գեղասահքի աշխարհին ու ինքն իրեն։

ԵՐԵՎԱՆ, 29 հուլիսի — Sputnik. Օլիմպիական խաղերի արծաթե մեդալակիր, գեղասահքի աշխարհի կրկնակի չեմպիոն Եվգենյա Մեդվեդևան (հոր կողմից` Բաբասյան) 2018/19 մրցաշրջանում սահելու է տանգոյի ու ջազային երաժշտության ներքո։ Այս մասին նա գրել է Instagram-ի իր էջում և մարզումներից սև ու սպիտակ լուսանկար է  հրապարակել։

Фигурное катание, короткая программа, женщины. Евгения Медведева (21 февраля 2018). Пхенчхан, Южная Корея - Sputnik Արմենիա
Եվգենյա Մեդվեդևա-Բաբասյանն անակնկալ է մատուցել նոր մարզչին. լուսանկար

Գեղասահորդուհին հայտնել է, որ կարճ ծրագիրը կատարելու է Նատալի Քուլի 1930-ականների Orange Colored Sky  ջազային երգի ներքո։ Իսկ կամային ծրագրի համար նա ընտրել է արգենտինացի կոմպոզիտոր Աստոր Պիացոլայի «Մումուկի» ու «Լիբերտանգո» ստեղծագործությունները` ամերիկացի թավջութակահար Յո Յո Մայի կատարմամբ։

Մասնագետները կարծում են, որ Մեդվեդևայի ընտրությունը ռիսկային է։ Դա մարտահրավեր է առաջին հերթին հենց իրեն։ Նրանց կարծիքով ծրագիրն ավելի դժվար է, քանի որ ենթադրում է շարժումներն ամբողջապես համապատասխանեն ռիթմին։ Բարդություններ կստեղծի նաև այն հանգամանքը, որ աղջիկը նախկինում միշտ ելույթ է ունեցել ավելի հանգիստ երաժշտությունների ներքո։

Եվգենյա Մեդվեդևան երկար ժամանակ մարզվում էր Էթերի Տուտբերիձեի մոտ։ Մարզիկը երկու տարի շարունակ մրցումներում չի պարտվել, բոլորը կարծում էին, որ 2018 թվականի Օլիմպիադային նա համարժեք մրցակից չի ունենա։

 

Սակայն Օլիմպիադայից առաջ Եվգենյան վնասված էր ստացել ու մարզումները բաց թողել, Տուտբերիձեի մյուս սանը՝ Ալինա Զագիտովան, նրանից առաջ էր անցել։ Մրցաշրջանի ավարտից հետո Մեդվեդևան հեռացավ Տուտբերիձեից ու տեղափոխվեց Կանադա՝ մարզիչ Բրայան Օրսերի մոտ։

Նա հայտնել էր, որ Կանադայում իրեն ավելի հանգիստ է զգում ու դա լավ կանդրադառնա իր ինքնազգացողության ու մարզումների վրա։

Մեդվեդևան շարունակելու է ելույթ ունենալ Ռուսաստանի անունից։

Լրահոս
0