Արամ Օրբելյան. «Ռոբերտ Քոչարյանը գիրքն ավարտին հասցնելու հետ կապված պայմանավորվածություն ունի»
Հայաստանի երկրորդ նախագահ Ռոբերտ Քոչարյանի փաստաբան Արամ Օրբելյանը Sputnik Արմենիային հայտնել է, որ պատրաստվում է բողոքարկել նրա նկատմամբ կիրառված խափանման միջոց կալանքի որոշումը։
Անդրադառնալով քրեական գործի նախաքննությանն ու դրա շրջանակներում կատարվող քննչական գործողություններին` փաստաբանը հայտնեց, որ Ռոբերտ Քոչարյանի մասնակցությամբ որևէ քննչական գործողության նրա փաստաբանները չեն մասնակցել։
«Գործը, ինչպես տեղյակ եք` բազմաթիվ շերտեր ունի, և չի բացառվում, որ այլ հանգամանքների մասով ինչ-որ գործողություններ կատարված լինեն»,– ասաց Արամ Օրբելյանը։ Բայցևայնպես նա չի պնդում, որ իր պաշտպանյալի մասնակցությամբ որևէ այլ գործողություն չի կատարվել։