Մինչ մարդկանց հանդիպելը նա շատ լավ երեխա էր. Բեն Լադենի մայրը՝ որդու մասին

© AFP 2020 / HO / ODNI / AFPУсама бен Ладен
Усама бен Ладен - Sputnik Արմենիա
Ամենահայտնի ահաբեկչի մայրը պատմել է որդու կյանքի, մանկության և խնդիրների մասին։ Նա հիշում է որդուն որպես ամաչկոտ տղա, որն ուսման նկատմամբ հակում ուներ։

ԵՐԵՎԱՆ, 3 օգոստոսի — Sputnik. «Ալ Կաիդա» արգելված ահաբեկչական խմբավորման առաջնորդ Ուսամա բեն Լադենը շատ լավ երեխա էր, մինչև չհանդիպեց մարդկանց, ովքեր լվացին նրա ուղեղը։ Այս մասին  The Guardian-ին տված հարցազրույցում ասել է «Ալ Կաիդա» ահաբեկչական խմբավորման հիմնադիր և առաջնորդ Ուսամա բեն Լադենի մայրը` Ալիա Գանեմը։

Ուսամա բեն Լադենին սպանել էին 2011 թվականի մայիսի 2-ին Պակիստանի Աբոթաբադ քաղաքում իրականացրած «Նեպտունի գեղարդ» կոչվող հատուկ գործողության ընթացքում։

Улица в Сувейде после теракта (25 июля 2018). Сирия - Sputnik Արմենիա
Սիրիայի հարավում ահաբեկչությունների տուժածների թիվը գերազանցել է 180–ը

«Կային մարդիկ, ում նա պաշտում էր։ Միշտ ասում էի նրան, որ հեռու մնա նրանցից, քանի որ իրենք ամեն ինչ հանուն փողի են անում, սակայն նա երբեք ինձ չէր խոստովանում, թե ինչ է անում, քանի որ ինձ շատ էր սիրում», – հիշում է մայրը։

Որպես չարագործ, որն ազդել է իր որդու վրա, նա նշում է «Մուսուլման եղբայրներ» խմբավորման անդամ Աբդուլահ Ազամի անունը, որին ավելի ուշ արտաքսեցին Սաուդյան Արաբիայից և նա դարձավ Բեն Լադենի հոգևոր խորհրդատուն։ Ալիա Գանեմը վստահեցնում է, որ նույնիսկ չէր կռահում, որ որդին կարող է ջիհադիստ դառնալ։ Իսկ երբ հասկացավ, թե ով է նա իրականում, խիստ վշտացած էր։

Ներկա պահին նա ապրում է բեն Լադենի եղբայրների` Ահմադի և Հասանի ու երկրորդ ամուսնու` Մոդամեդ Ալ Աթասի հետ Սաուդյան Արաբիայի արևմուտքում` Ջիդա քաղաքի տարածքում գտնվող առանձնատանը։ Նրանց տեղաշարժն ու փոխգործակցությունը շարունակում են վերահսկել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала