Հայաստանին սիրահար Նինո Կատամաձեն երևանցիների «լարվածությունը կհանի»

© Sputnik / Asatur YesayantsОткрытие ереванского джаз фестиваля, Нино Катамадзе
Открытие ереванского джаз фестиваля, Нино Катамадзе - Sputnik Արմենիա
Հայտնի ջազ երգչուհի Նինո Կատամաձեն Երևանում համերգ կտա։

ԵՐԵՎԱՆ, 8 օգոստոսի — Sputnik. Հայաստանին ու հայ երաժիշտներին սիրահարված ջազ–երգչուհի Նինո Կատամաձեն համերգ կտա Երևանում սեպտեմբերի 29–ին։ Այս մասին հայտնում է միջոցառման մասին ազդարարող Nino Katamadze & Insight in Armenia ֆեյսբուքյան  էջը։

Караундж - Sputnik Արմենիա
Հայաստանի ամենառոմանտիկ վայրերի լավագույն հնգյակը. այստեղ հաստատ կարելի է սիրահարվել

Հայտնի երգչուհուն՝ Նինո Կատամաձեին, պետք է «ոչ թե հասկանալ, այլ ընդունել մեծ չափաբաժիններով՝ միայնության պրոֆիլակտիկ բուժման համար, որպես սթրեսի պանացեա, ագրեսիայի դեղամիջոց և պատվաստում հոռետեսության դեմ»,-գրված է ֆեյսբուքյան իվենթ-էջում:

Նինո Կատամաձեն համաշխարհային մեծության երգչուհի է, որի վոկալ կարողությունները գրավել են արվեստի գիտակներին աշխարհի բազմաթիվ երկրներից: Նրա արվեստը ջազի, բլյուզի ու world music-ի միքս է: Նինո Կատամաձեն սիրված է ողջ Եվրոպայում իր ձայնի և Insight գործիքային խմբի հետ երկխոսության շնորհիվ: Խմբի կազմում են Գոչա Կաչեիշվիլին (կիթառ), Ուչա Գուգունավան (բաս կիթառ) և Դավիդ Աբուլաձեն (հարվածային գործիքներ):

Ամեն տարի Նինո Կատամաձեի արվեստի նկատմամբ հետաքրքրությունն աճում է: Այսօր Նինոն այն բացառիկ կատարողներից է, ով մշտապես փայլում է իր երաժշտական հնարամտությամբ: Նա դուրս է գալիս բեմ, ու դահլիճը ոտքի է կանգնում: Նրա ձայնը, կատարողական ոճը և այն զգացմունքների ալիքը, որոնք գրավում են ունկնդիրներին, մնում են հիշողության մեջ միանգամից ու ողջ կյանքի ընթացքում:

Նինոն ստեղծագործում է աննկատորեն ու շատ յուրովի: Երգելու նրա ոճը բացառիկ է: Սա «հիմքային» երաժշտություն է՝ զգացողություններից ծնված: Ցանկացած լավ երաժշտություն իր հիմքով ազգային է:

Нино Катамадзе - Sputnik Արմենիա
Նինո Կատամաձե. Հայերն աշխարհի ամենաերաժշտական ազգն են

 Այս երաժշտությունը լսելու համար պարտադիր չէ տիրապետել վրացերենին, լիրիկան հորդում է յուրաքանչյուր բառից ու տողից, իսկ շատ իմպրովիզներ ծնվում են երգչուհու աստվածային ձայնից, որը չունի բառային կաղապարներ. դրանք ոչ թե բառեր են, այլ զգացմուքներ: Նինո Կատամաձե & Insight միությունը բարդ, խելացի, անկեղծ և զգացմունքային երաժշտություն է բարձր արվեստ գնահատողների համար: Դա կյանքի փիլիսոփայական պատում է: Մենք շատ քչերին գիտենք, ովքեր կարող են ձեզ, որպես կարևոր բաղադրիչի, ներգրավել իր ներաշխարհ: Իր հանդիսատեսի հետ խոսելիս նա ասում է. «Առանց ձեզ երաժշտությունը չի ստացվի»: Նրա համար ապրելն ու երգելն անբաժան են, սա անապական ֆոտոսինթեզ է, որով նա ապրում է ու կիսում է այդ կյանքը Insight խմբի երաժիշտների հետ:

Նինո Կատամաձեն ու Insight խումբն իրենց կատարումները մեզ կնվիրեն Երևանի տոնին: Միացեք մեզ ու դարձեք հանրահայտ երաժիշտների երևանյան պատումի մասը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала