Խոսում է Երևանը. ինչ են ակնկալում մայրաքաղաքի բնակիչներն ապագա քաղաքապետից

© Sputnik / Asatur YesayantsМитинг на площади Республики (29 апреля 2018). Еревaн
Митинг на площади Республики (29 апреля 2018). Еревaн - Sputnik Արմենիա
Բաժանորդագրվեք
Երևանցիները դեռ վերջնականապես չեն կողմնորոշվել` թեկնածուներից ում տալ նախապատվությունը քաղաքապետի ընտրության հարցում։ Սակայն շատերը համոզված են, որ նոր քաղաքապետը ստիպված է լինելու լուծել քաղաքում կուտակված մի շարք խնդիրներ։

Լաուրա Սարգսյան, Sputnik Արմենիա

Երևանցիներին ոչ այնքան մտահոգում է ապագա քաղաքապետի անձը, որքան հանրապետության խոշորագույն քաղաքի հսկայական խնդիրները լուծելու նրա ունակությունը։ Sputnik Արմենիայի թղթակցի հետ զրույցում քաղաքացիները հույս հայտնեցին, որ Երևանի նոր քաղաքապետը չի կրկնի իր նախորդի սխալները։

© SputnikՈ՞ւմ են տեսնում Երևանցիները քաղաքապետի պաշտոնում և ինչ խնդիրներ են առաջարկում լուծել նրան
Ո՞ւմ են տեսնում Երևանցիները քաղաքապետի պաշտոնում և ինչ խնդիրներ են առաջարկում լուծել նրան - Sputnik Արմենիա
Ո՞ւմ են տեսնում Երևանցիները քաղաքապետի պաշտոնում և ինչ խնդիրներ են առաջարկում լուծել նրան

Երևանի ավագանու ընտրությունները նախատեսված է անցկացնել 2018 թվականի սեպտեմբերին։ Դրանց կմասնակցեն դերասան և պրոդյուսեր Հայկ Մարությանը («Քաղաքացիական պայմանագիր» կուսակցություն), Զարուհի Փոստանջյանը («Երկիր ծիրանի»), Արարատ Զուրաբյանը («ՀՀՇ»), հայտնի հայ ճարտարապետ Արթուր Թարխանյանի դուստր` Անահիտ Թարխանյանը։ «Լուսավոր Հայաստանը» և ՀՀԿ–ն իրենց հերթին առաջարկում են ՀՀ արդարադատության նախարար Արտակ Զեյնալյանի թեկնածությունը։

Խոսում են Երևանի բնակիչները

«Քաղաքապետի թեկնածուներից ոչ մեկին չգիտեմ, սակայն ով էլ գա իշխանության, նա պարտավոր է ազատել մեզ այս աղբանոցից և վերադարձնել Երևանի նախկին տեսքը», – Sputnik Արմենիայի թղթակցի հետ զրույցում ասաց Արմեն անունով Երևանի բնակիչը։

Анаит Тарханян в гостях у радио Sputnik Армения - Sputnik Արմենիա
Քաղաքապետի նոր թեկնածու ունենք. ի՞նչ ծրագիր ունի ճարտարապետի դուստրը

Արմենն արդեն 60-նն անց է, տաքսու վարորդ է աշխատում։ Բացի քաղաքի կեղտոտ վիճակից, նա բողոքում է նաև ավտովարորդների համար նախատեսված բարձր տուգանքներից։ Նրա կարծիքով` այդ տուգանքները երկրի հասարակ քաղաքացիների համար պարզապես անհաղթահարելի են։

Ի տարբերություն Արմենի, Արտյոմ Հովհաննիսյանը լսել է քաղաքապետի թեկնածուների մասին։ Նա կցանկանար, որպեսզի քաղաքապետի աթոռը զբաղեցներ Զարուհի Փոստանջյանը, սակայն ոչ այն պատճառով, որ նրան մյուսներից ավելի է հավանում։

«Ներքին քաղաքականության մեջ բազմաբևեռություն պետք է լինի։ Եթե քաղաքապետ դառնա մեր բոլորիս կողմից շատ սիրելի Փաշինյանի կուսակցությունից որևէ մեկը, ապա մի քանի տարի անց կստեղծվի նույն իրավիճակը, ինչ-որ ՀՀԿ–ի կառավարման տարիներին», – Sputnik Արմենիային ասաց Հովհաննիսյանը։

Քաղաքացիների կարծիքները տարբերվեցին, սակայն մեր կողմից հարցվածների մեծամասնությունը, ավելի շատ հիշատակեց Մարությանի անունը։ Նա ավելի մոտ է ժողովրդին, քանի որ «ժողովրդի ծոցից» է, նրանց «սիրված Հայկոն» է։ Այսպես նրան բնութագրեց, օրինակ, Գևորգ Երիցյանը։ Նա հավատում է Երևանի ապագային և կարծում, որ Հայաստանի մայրաքաղաքի խնդիրները անմիջապես կլուծվեն։

Թելման Գևորգյանը նույնպես աջակցեց Մարությանի թեկնածությունը։ Նոր քաղաքապետը, իսկապես, ստիպված է լինելու լուծել կուտակված մի շարք խնդիրներ` տրանսպորտի ոլորտից, մինչև փողոցների լուսավորություն, սակայն Մարությանը, երևանաբնակների կարծիքով, կկարողանա հաղթահարել այդ խնդիրը։

«Հավատում եմ, որ նա կարող է լավ մենեջեր լինել, և պարտադիր չէ, որ քաղաքապետը նախևառաջ քաղաքական գործիչ լինի։ Թեև դեռ «Էլեկտրիկ Երևանի» ժամանակներից Հայկը ակտիվ ընդդիմադիր գործունեություն էր ծավալում», – Sputnik Արմենիայի հետ զրույցում ասաց Գևորգյանը։

Իսկ ահա մասնագիտությամբ շինարար Արտակ Մանուկյանը իրավիճակին, ինչպես ինքն է ասում, սթափ է նայում։ Նրա կարծիքով` քաղաքը պարզապես խրվել է խնդիրների մեջ, որը քաղաքապետը միայնակ լուծել չի կարողան։ Այստեղ, ըստ նրա, կոլեկտիվ աշխատանք է պետք տանել։

Депутат НС Армении Наира Зограбян - Sputnik Արմենիա
ԲՀԿ–ի տունն աթոռակռիվ է ընկել. Պետրոսյանը չի ընդունում Նաիրա Զոհրաբյանի թեկնածությունը

«Քաղաքի յուրաքանչյուր բնակիչ պետք է գիտակից լինի, չաղտոտի, տան մերձակայքում գտնվող ծառերը ջրի, վերանորոգի իրենց բակում տեղադրված նստարանները։ Այլապես մենք այս փոսից դուրս չենք գա», – ասում է Արտակը։

Նա թերահավատորեն է վերաբերում նույնիսկ «ամենահումորով» թեկնածուին։

Ի՞նչ գիտենք քաղաքապետի թեկնածուների մասին։

Մինչ Երևանի բնակիչները որոշում են, թե առաջնահերթ ինչով պետք է զբաղվի քաղաքապետը, այդ պաշտոնը զբաղեցնել ցանկացողների թիվն աճում է։ Նախօրեին հայտնի դարձավ, որ քաղաքապետի պաշտոնին մտադիր է հավակնել հայտնի ճարտարապետ Արթուր Թարխանյանի դուստրը` Անահիտ Թարխանյանը։

Թարխանյանը ծնվել է 1959 թվականին Գյումրիում, սակայն ապրել և մեծացել է Երևանում։ Մասնագիտությամբ նա նույնպես ճարտարապետ է։ Ավելի վաղ բազմիցս նշել է, որ սերը դեպի մասնագիտությունը սերմանել է հայրը։ Նա մանկուց գիտեր, որ հոր ճանապարհով է գնալու։

Նրա թեկնածությանն աջակցել են «Երևանյան հասարակություն» ՀԿ–ն և ԳԱԼԱ կուսակցությունը։

«Ջանքեր կգործադրեմ Երևանի բնակիչների սպասումներն արդարացնելու համար», – գրել է Թարխանյանը Facebook սոցցանցի իր էջում։

«Քաղաքացիական պայմանագիր» կուսակցության քաղաքապետի թեկնածու,  հայտնի երգիծաբան Հայկ Մարությանը ծնվել է 1976 թվականին Երևանում։ Ավարտել է Երևանի պետական ճարտարապետաշինարարական համալսարանը։ Ավելի քան տասը ֆիլմերում և սերիալներում է նկարահանվել։ Ամուսնացած է Իվա անունով չեխ կնոջ հետ, նրանք 4 երեխա են դաստիարակում։ Մարությանն իր ապագա կնոջ հետ ծանոթացել է 2004 թվականին, երբ վերջինս աշխատում էր Սպիտակում որպես «Կարմիր Խաչի» կամավոր։

Первый вице-премьер Армении Арарат Мирзоян на заседании правительства (8 июня 2018). Еревaн - Sputnik Արմենիա
Մեզ էլ լուրջ չէին վերաբերվում. փոխվարչապետի արձագանքը` Հայկ Մարությանի թեկնածությանը

Ի տարբերություն առաջին երկու թեկնածուների, «Երկրի ծիրանի» կուսակցության առաջնորդ Զարուհի Փոստանջյանն արդեն Երևանի ավագանու ընտրություններին մասնակցելու փորձ ունի` անցած տարի նրա կուսակցությունը ստացել էր ձայների նվազագույն քանակը` 7,75% –ը(26 109 ձայն)։ Նա նաև հարուստ քաղաքական փորձ ունի, ՀՀ ԱԺ պատգամավոր է եղել։ Փոստանջյանը ծնվել է 1972 թվականին Երևանում, ամուսնացած է, ունի 4 երեխա։

Արարատ Զուրաբյանը, որը «ՀՀՇ»–ի թեկնածուն է, նույնպես փորձառու քաղաքական գործիչ է։ Ծնվել է 1963 թվականին Երևանում։ Ավարտել է Երևանի գյուղատնտեսական ինստիտուտի տնտեսագիտության ֆակուլտետը, աշխատել է որպես տնտեսագետ, հիմնադրել է «Շարժում» թերթը ԱՄՆ–ում։ Նախկինում զբաղեցրել է ՀՀ ՆԳՆ վարչության պետի տեղակալի պաշտոնը։ Վեց տարի գլխավորել է Երևանի «Կենտրոն» վարչական շրջանը։

«ՀՀԿ»–ն և «ԲՀԿ»–ն առաջարկում են ՀՀ արդարադատության նախարար Արտակ Զեյնալյանի թեկնածությունը։ Սակայն դեռ հասկանալի չէ`արդյո՞ք այդ պաշտոնն անձամբ Զեյնալյանին պետք է, թե՞ ոչ։

Զեյնալյանը ծնվել է Երևանում 1969 թվականին։ Մասնագիտությամբ վիրաբույժ է, օրդինատուրան ավարտել է Առողջապահության ազգային ինստիտուտում, աշխատել է որպես սանիտար, բուժեղբայր, բժիշկ։ Հայաստանի սահմանին մարտերի ժամանակ վիրավորվել է, հաշմանդամության երկրորդ կարգ է ստացել։ 1998-2001 թվականներին զբաղեցրել է ՀՀ առողջապահության նախարարի տեղակալի պաշտոնը։ Առողջապահության ոլորտի մի շարք օրինագծերի հեղինակ և համահեղինակ է։ 2018 թվականի մայիսից զբաղեցնում է ՀՀ արդարադատության նախարարի պաշտոնը։

Հիշեցնենք, որ Տարոն Մարգարյանը հուլիսի 9-ին հրաժարական տվեց Երևանի քաղաքապետի պաշտոնից։ Այս պաշտոնը նա զբաղեցնում էր 2011 թվականից։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала