«Այս պահի դրությամբ 2 տեսակի խնդիր ունենք։ Առաջինը` կարկտահարությունից տուժած 14 համայնք կա և կան այնպիսի համայնքներ, որտեղ ուժգին քամին ավերածություններ է առաջացրել։ Այսօր կստեղծվեն 3–4 աշխատանքային խմբեր, որոնց մի մասը կաշխատի կարկտից տուժած համայնքներին վնասի չափը, մյուս խումբը` քամուց տուժած համայնքների վնասի չափը պարզելու համար։
14 համայնք տուժել է կարկուտից, իսկ ընդհանուր առմամբ տուժել է ամբողջ մարզը, որովհետև և՛ մասնագետների, և՛ ականատեսների բնութագրմամբ այն ինչ տեղի ունեցավ օգոստոսի 10–ին աննախադեպ էր։ Իհարկե, ցանցային կարկտային կայանները կարողացել են հնարավորինս պահպանել բերքը, բայց քամին այնքան ուժեղ է եղել, որ անգամ ծառեր և սյուներ է պոկել»,–ասաց Միրիջանյանը։
Մարզպետի հավաստիացմամբ` ամեն ինչ կանեն, որ մյուս տարվանից նոր տեսակի հակակարկտային կայաններ լինեն, որ հնարավոր լինի կանխարգելել նման վնասները։ Նաև նախատեսվում է մտցնել գյուղատնտեսական ապահովագրության համակարգը։
