ԵՐԵՎԱՆ, 16 օգոստոսի — Sputnik. ՀՀ ոստիկանությունը հայտարարություն է տարածել, որի միջոցով ԶԼՄ–ներին տեղեկացնում է, թե տեսանկարահանման ինչ արգելքներ են նախատեսում վաղը` օգոստոսի 17–ին կայանալիք հանրահավաքի լուսաբանման ժամանակ։
«Զանգվածային լրատվության միջոցներին հայտնում ենք, որ օգոստոսի 17-ին տեղի ունենալիք հանրահավաքի մասնակիցների անվտանգությունը ապահովելու նկատառումներից ելնելով՝ արգելվելու է դրոնների միջոցով տեսանկարահանումն օդից և նման փորձերը կասեցվելու են։
ԶԼՄ-ների ներկայացուցիչներին խնդրում ենք ձեռնպահ մնալ տեսանկարահանման այդ միջոցների կիրառումից»,–հայտարարում է ոստիկանությունն ու շնորհակալություն հայտնում համագործակցության և փոխըմբռնման համար։
Հիշեցնենք, որ ՀՀ վարչապետ Նիկոլ Փաշինյանը օգոստոսի 17–ին հանրահավաք է հրավիրել Երևանի Հանրապետության հրապարակում։ Այդ օրը լրանում է նրա վարչապետության 100 օրը, և նա ցանկանում է արածն ու անելիքը ներկայացնել ժողովրդին հանրահավաքի միջոցով։
