ԵՐԵՎԱՆ, 16 օգոստոսի — Sputnik. Հայաստանում աննախադեպ արդար ընտրություններ կանցկացվեն։ Այս մասին այսօր լրագրողներին ասաց Հայաստանի ոստիկանապետ Վալերի Օսիպյանը։
Երևանում շուտով սպասվում են Ավագանու ընտրությունները։ Վերջնական օրը կորոշի ԿԸՀ-ն։
Օսիպյանն ասաց, որ առավելագույնս թափանցիկ ընտրական գործընթաց ապահովելու հստակ կարգադրություն է ստացել վարչապետից։
«Եթե խախտումների ինչ-որ փորձեր լինեն, ոստիկանության պատասխան միջոցները խիստ կլինեն», — ասաց նա։
Գերատեսչության ղեկավարը նաև հայտնեց, որ օգոստոսի 20-ին կամփոփի իր 100-օրյա պաշտոնավարումը։
Նրանից հետաքրքրվեցին նաև, թե ինչ փուլում է այսօր գտնվում հետախուզման մեջ գտնվող Սերժ Սարգսյանի զարմիկ Նարեկ Սարգսյանի նկատմամբ հարուցած քրեական գործը։
«Ժամանակի հարց է։ Որոշակի տվյալներ ունեմ, սակայն այս փուլում դրանք չեմ հրապարակի», — նշեց Օսիպյանը։
Նախկին նախագահի եղբորորդու նկատմամբ հուլիսին հետախուզում էր հայտարարվել նրա տանն իրականացված խուզարկությունից հետո։ Նրան մեղադրում են մարդու առևանգման և ծեծի ենթարկելու, շորթման, ինչպես նաև ապօրինի զենք և թմրանյութեր պահելու համար։