ԵՐԵՎԱՆ, 17 օգոստոսի — Sputnik. Թբիլիսիում մահացած են գտել դերասան Զուզա Բեժաշվիլիին, որը հայտնի է դարձել Վրաստանում ամենատարածված` «Կյանքիս ընկերուհիները» վրացական սերիալից։ Այս մասին հայտնում է Sputnik Գրուզիան` հղում անելով Rustavi 2–ին։
Դերասանի մարմինը հայտնաբերել են Թբիլիսիի Դոլիձե փողոցում գտնվող բազմաբնակարան շենքերից մեկի վերելակում։
Մահվան պատճառը դեռ հայտնի չէ, սակայն քրեական գործ է հարուցվել «ինքնասպանության հասցնելու» հոդվածով։
Ականատեսների խոսքով` մարմինը գտել են վերելակում, երրորդ հարկում։ Այն հանել են ու փորձել են արհեստական շնչառություն տալ, սակայն դերասանն արդեն մահացած է եղել։
Դոլիձե փողոցում մինչ ուշ գիշեր քննչական միջոցառումներ էին իրականացվում։ Ավելի ուշ դերասանի մարմինը դատափորձաքննական կենտրոն են տարել։
Քրեական գործ է հարուցվել «ինքնասպանության հասցնելու» հոդվածով։