ԵՐԵՎԱՆ, 22 օգոստոսի — Sputnik. Լոնդոնյան «Արսենալի» կիսապաշտպան, Հայաստանի հավաքականի ավագ Հենրիխ Մխիթարյանը ընտրել է #mickitoy մրցույթի հաղթողին։
Մրցույթին մասնակցելու համար պետք էր Micki Toy խաղալիքով լուսանկար հրապարակել ու #mickitoy հեշթեգն օգտագործել։ Նա խոստացել էր, որ հաղթողը «Արսենալ» ֆուտբոլային ակումբի իր շապիկն է ստանալու իր ինքնագրով։
Մխիթարյանը Instagram–ում տեսանյութ է հրապարակել, որի մեկնաբանությունում խոստովանել է, որ չի կարողացել մեկին ընտրել ու միանգամից չորս հաղթողի անուն է հրապարակել։
Հրապարակումն ավելի քան 70 հազար «հավանություն» է ստացել։
