ԵՐԵՎԱՆ, 22 օգոստոսի — Sputnik. Ազգային ժողովում պատգամավորների օգնականները, պարզվում է», ավանդույթի համաձայն, սովորաբար չեն ձևակերպել արձակուրդը։ Այս մասին գրում է «Հրապարակ» օրաթերթը։
«Իհարկե, դե ֆակտո գնացել են արձակուրդ, ավելին` շատերը կլոր տարին, կարելի է ասել, արձակուրդի մեջ են, քանի որ անգամ ԱԺ չեն գալիս, անելիք չունեն, բայց ամառային արձակուրդը երբեք «թղթով» չեն ձևակերպել»,- գրում է թերթը։
Սա իրականում խորամանկ քայլ է, որ երբ 5 տարի հետո այլևս չաշխատեն, պետությունից միանգամից 5 տարվա արձակուրդային ստանան, ինչը խոշոր գումար է կազմում։ Թերթին ասել են, որ այս մեթոդով են տարիներ շարունակ արձակուրդ «գնացել» ԱԺ պատգամավորների 90 տոկոսի օգնականները։ Հիմա ԱԺ աշխատակազմը որոշել է վերջ դնել այս «ավանդույթին» և այս տարի գրեթե բոլոր օգնականների արձակուրդները ձևակերպել։
