ԵՐԵՎԱՆ, 23 օգոստոսի — Sputnik. Հայաստանի կառավարությունը կսահմանափակի փոքր ՀԷԿ–երի կառուցումը։ Դրա համար արգելված բնապահպանական գոտիներ կլինեն։ Այսօր կառավարությունը հերթական նիստում հաստատեց ՀՀ ջրային կոմիտեի համապատասխան փոփոխությունների նախագիծը։
Բնապահպանության նախարար Էրիկ Գրիգորյանն ասաց, որ կառուցումը կարգելվի ձկան հազվադեպ տեսակների ձվադրման վայրերում, նաև այն գետերում, որտեղ դերիվացիոն բեռնվածությունը գերազանցում է 40%–ը, այսինքն` այն գետերում, որոնց ավելի քան 40%–ը ՀԷԿ–ի համար խողովակի մեջ է առնվում։ Շինարարությունն արգելվելու է նաև անտառային տարածքներում, բնության հուշարձանների մոտակայքում։
Նախարարը նշեց, որ գետերից շատերում 40% ցուցանիշը չի պահպանվում։ Նա ավելացրեց` որոշ գետերում ջրի հոսանքի 90%–ը խողովակի մեջ է գնում։
Օրինագիծը սահմանափակում է նոր ՀԷԿ–երի շինարարությունը, բայց չի պահանջում, որ հները վերակառուցվեն։
