ԵՐԵՎԱՆ, 24 օգոստոսի — Sputnik. «Food and Wine» ամերիկյան պարբերականը կազմել է ԱՄՆ լավագույն 10 սուպերմարկետների, իրական գաղտնիքների բացահայտման ցանկը և ցուցակում ներառել նաև Հարավային Կալիֆոռնիայում հայ ընտանիքին պատկանող առևտրի կենտրոնը։
Ինչպես գրում է պարբերականը, լավագույն տասնյակում ներառվել են այն առևտրի կենտրոններն ու սուպերմարկետները, որոնց սեփականատերերը շուկայում մեծ մասնաբաժին, ինչպես նաև շատ դեպքերում նույնիսկ լայնածավալ մարքեթինգային բյուջե չունեն։
«Նրանք սուպերմարկետների իրական ամերիկյան հերոսներ են, որոնք տարեցտարի ավելին են անում։ Ու թեև նրանք, ամենայն հավանականությամբ, երբեք ազգային հարցումների առումով «ազդեցություն» չեն ունենա, բայց իրենց տարածաշրջանի մարգարիտներն են, թանկարժեք քարերի նման, որոնք միշտ թիվ մեկն են լինելու կամ դրա նման մի բան մեր սրտերում», — գրված է հոդվածում։
Անդրադառնալով հայկական ընտանիքին պատկանող սուպերմարկետին` պարբերականն ընդգծում է. «Եթե ապագան փնտրում եք Ամերիկայում, ապա Հարավային Կալիֆոռնիայի բազմաթիվ և զանազան սուպերմարկետները հիանալի վայր են մեկնարկի համար, և դուք կարող եք սկսել հենց այս առևտրի կենտրոնից։ Այս սուպերմարկետը պատկանում է ամերիկահայ ընտանիքին, և գրեթե բոլորը սիրում են այն»։
