ԵՐԵՎԱՆ, 26 օգոստոսի — Sputnik. Դեն Բիլզերյանը գալիս է Հայաստան: Այս մասին վենչուրային միլիոնատերը գրառում է արել Twitter-ի իր միկրոբոլոգում:
«Մեկնում եմ Հայաստան, հետո՝ Թաիլանդ»,-գրել է Բիլզերյանը:
Flying to Armenia, then Thailand
— Dan Bilzerian (@DanBilzerian) August 25, 2018
«Այս տղան Փաշինյան-Թրամփ հանդիպումն ավելի հեշտությամբ կկազմակերպի, քան միջնորդության նամակ ստորագրած տասնյակ կոնգրեսականները»,-կատակել է քաղաքագետ Սուրեն Սարգսյանը՝ ֆեյսբուքյան իր էջում հրապարակելով Բիլզերյանի ու Թրամփի մի լուսանկար:
Կանանց, ալկոհոլի, զենքի, մարիխուանայի և էքստրեմալ մարզաձևերի մոլի սիրահար, 37-ամյա Դեն Բիլզերյանը միշտ սոցցանցերի օգտատերերի ուշադրության կենտրոնում է. նա Instagram-ում ունի ավելի քան 23,5 միլիոն հետևորդ, իսկ Twitter-ում՝ 1,47 միլիոն։
